મુંબઈ:કારોબારી સપ્તાહના પહેલા દિવસે શેરબજાર રેડ ઝોનમાં ખુલ્યું છે. BSE પર સેન્સેક્સ 528 પોઈન્ટના ઘટાડા સાથે 75,609.65 પર ખુલ્યો હતો. તે જ સમયે, NSE પર નિફ્ટી 0.70 ટકાના ઘટાડા સાથે 22,930.20 પર ખુલ્યો.
બજાર ખુલતાની સાથે જ બ્રિટાનિયા, એચયુએલ, આઈસીઆઈસીઆઈ બેંક, ડો. રેડ્ડીઝ લેબ્સ નિફ્ટી પર વધારા સાથે ટ્રેડ થઈ રહ્યા છે, જ્યારે એનટીપીસી, ભારત ઈલેક્ટ્રોનિક્સ, હિન્દાલ્કો, ટ્રેન્ટ, એક્સિસ બેંકના શેર ઘટાડા સાથે ટ્રેડ થઈ રહ્યા છે.
રિયલ્ટી સિવાય અન્ય તમામ ક્ષેત્રીય સૂચકાંકો રોડ ઝોનમાં ટ્રેડ થઈ રહ્યા છે.
ભારતીય બેન્ચમાર્ક સૂચકાંકો સેન્સેક્સ અને નિફ્ટી સોમવારે સતત બીજા સત્રમાં નીચા ખુલ્યા હતા, નબળા કોર્પોરેટ અર્નિંગ, યુએસ ટ્રેડ પોલિસી અંગેની અનિશ્ચિતતા અને સતત વિદેશી આઉટફ્લોની ચિંતાને કારણે દબાણ હતું.
શુક્રવારનું બજાર
ટ્રેડિંગ સપ્તાહના અંતિમ દિવસે શેરબજાર રેડ ઝોનમાં બંધ થયું હતું. BSE પર સેન્સેક્સ 329 પોઈન્ટના ઘટાડા સાથે 76,190.46 પર બંધ રહ્યો હતો. તે જ સમયે, NSE પર નિફ્ટી 0.49 ટકાના ઘટાડા સાથે 23,092.20 પર બંધ થયો.
13માંથી 11 ક્ષેત્રીય સૂચકાંકો રેડ ઝોનમાં ટ્રેડ થયા હતા, જેમાં ફાર્મા, મીડિયા અને ઓટોમોબાઈલ સૌથી વધુ પ્રભાવિત થયા હતા. વ્યાપક બજારને પણ અસર થઈ હતી, નાના અને મધ્યમ કદના સૂચકાંકોએ અગાઉના સત્રના તમામ લાભો ગુમાવ્યા હતા. Cyient, Tata Technologies સહિત છ શેર શુક્રવારે 52 સપ્તાહની નીચી સપાટીએ પહોંચ્યા હતા.
આ પણ વાંચો:
- 1લી ફેબ્રુઆરીથી Marutiની કાર મોંઘી થશે, જાણો કયા મોડલની કિંમતમાં કેટલો વધારો થશે?
- Airtel અને Jioને જોરદાર ટક્કર! BSNL 5 રૂપિયાથી ઓછી કિંમતે અનલિમિટેડ કોલિંગ અને ડેટા આપશે
