આખરે આ GNSS છે શું? કેવી રીતે કામ કરશે, શું ટોલ પર રાહ જોવાની જરૂર છે હવે? જાણો - What is GNSS

ટોલ પ્લાઝા પર ચાલી રહેલ ફાસ્ટેગ સિસ્ટમ હવે બંધ થશે તેવા અણસાર છે. કારણ કે સરકાર તેની જગ્યાએ નવી સિસ્ટમ લાવી રહી છે. આ નવી સિસ્ટમનું નામ છે GNSS. આ સિસ્ટમ સેટેલાઇટ આધારિત છે. એકવાર આ સિસ્ટમ લાગુ થઈ ગયા પછી, તમારું વાહન કોઈપણ ટોલ પ્લાઝા પર રોકાશે નહીં. તો ચાલો જાણીએ આખરે આ GNSS શું છે. What is GNSS

નવી દિલ્હીઃ હવે તમારે ટોલ પ્લાઝા અને એક્સપ્રેસ વે પરથી પસાર થવા માટે રાહ જોવાની જરૂર રહેશે નહીં, કારણ કે કેન્દ્રીય માર્ગ અને પરિવહન મંત્રાલયે આ મામલે એક મોટો નિર્ણય લીધો છે. જે અનુસાર વર્તમાનમાં ચાલી રહેલ ફાસ્ટેગ સિસ્ટમ સમાપ્ત થશે અને તેની જગ્યાએ GNSS (ગ્લોબલ નેવિગેશન સેટેલાઇટ સિસ્ટમ) સિસ્ટમ લાગુ કરવામાં આવશે.

હાલમાં ટોલ પ્લાઝા પર ફાસ્ટેગ સિસ્ટમ અમલમાં છે: તમને જણાવી દઈએ કે, જો તમારું વાહન GNSS સાથે જોડાયેલ હશે તો તમારે ટોલ પ્લાઝા પર રાહ જોવી પડશે નહીં. તમે અટક્યા વિના આગળ વધી શકશો અને પૈસા આપોઆપ કપાઈ જશે. હાલમાં ટોલ પ્લાઝા પર ફાસ્ટેગ સિસ્ટમ અમલમાં છે. આ માટે તેનો ઉપયોગ કરનારને વાહન રોકવું પડે છે અને ત્યારબાદ બારકોડ વાંચવામાં આવે છે. કેટલીકવાર આમાં એક મિનિટ જેટલો સમય પણ લાગે છે. GNSS આપણને આ બધી પ્રક્રિયાઓમાંથી મુક્ત કરશે.

તો આખરે આ gnss છે શું ? GNSS એ સેટેલાઇટ આધારિત રોડ ટોલ કલેક્શન સિસ્ટમ છે. GNSS દ્વારા ટોલ અથવા હાઇવે પર રોકાયા વિના બારકોડ વાંચવામાં આવશે. જેમ જેમ GNSS વાહન ટોલ ગેટ પસાર કરે છે ચાર્જરને OBU (ઓન-બોર્ડ યુનિટ) દ્વારા પિંગ પ્રાપ્ત થશે અને નાણાં સંબંધિત ફિનટેક કંપનીઓ દ્વારા પ્રાપ્ત થશે. મીડિયા રિપોર્ટ્સ અનુસાર વોલેટ સિસ્ટમ લાગુ કરવામાં આવશે. તમારે આ વોલેટમાં પૈસા જમા કરાવવાના રહેશે. વોલેટ બેંક ખાતા સાથે લિંક કરવામાં આવશે. કોઈપણ વાહને માત્ર નિર્ધારિત લેનમાંથી જ પસાર થવાનું રહેશે. તમારે તમારા વાહનમાં ઓન-બોર્ડ યુનિટ ફીટ કરવું પડશે. તે ટ્રાન્સફરેબલ નથી. ભવિષ્યમાં વાહન કંપનીઓ તેને ફક્ત ઓટો-ફિટેડ વેચશે, ઉદાહરણ તરીકે ફાસ્ટેગ સ્ટીકર સાથે આવતા વાહનો.

કેન્દ્રીય માર્ગ પરિવહન મંત્રાલય અનુસાર GNSS આધારિત ટોલિંગ સિસ્ટમ એપ્રિલ 2025 થી લાગુ કરવામાં આવશે. આ સિસ્ટમ લાગુ થયા બાદ ફાસ્ટેગ સિસ્ટમ ખતમ થઈ જશે. GNSS દ્વારા દરેક વાહનને ટ્રેક કરવામાં આવશે. તેથી વપરાશકર્તાઓને કોઈપણ હાઇવે પર તેઓ જેટલા અંતરે મુસાફરી કરે છે તેટલી જ રકમ વસૂલવામાં આવશે. આ સમયે એક નિશ્ચિત રકમ વસૂલવામાં આવે છે પછી ભલે તમે ગમે તેટલી મુસાફરી કરો.

GNSS સિસ્ટમ ન હોય ડબલ ટોલ વસૂલવામાં આવશે:GNSS ઉપકરણ બિન-તબદીલીપાત્ર છે. તે ફી વસૂલવા માટે વપરાશકર્તાઓના વાહનોમાં ફિટ થશે. તેમના માટે અલગ લેન નક્કી કરવામાં આવશે. જો GNSS સિસ્ટમ ન હોય તેવા વાહનો GNSS લેનમાં જાય તો તેમની પાસેથી ડબલ ટોલ વસૂલવામાં આવશે.

દરરોજ 20 કિલોમીટરની મફત મુસાફરી: માર્ગ પરિવહન અને ધોરીમાર્ગ મંત્રાલયે જણાવ્યું હતું કે, જે વાહનોમાં GNSS એટલે કે ગ્લોબલ નેવિગેશન સેટેલાઇટ સિસ્ટમ ફીટ કરવામાં આવશે તેમને રાષ્ટ્રીય ધોરીમાર્ગો અને એક્સપ્રેસવે પર દરરોજ 20 કિલોમીટર સુધી મફત મુસાફરીની સુવિધા પૂરી પાડવામાં આવશે. મંત્રાલયે એક દિવસ પહેલા આ સંદર્ભમાં એક નોટિફિકેશન બહાર પાડ્યું છે.

ટ્રાયલ પૂર્ણ: 2 જુલાઈના રોજ ઈન્ડિયન હાઈવે મેનેજમેન્ટ કંપની લિ. એ ટેન્ડર બહાર પાડ્યું હતું. તેમનો ઉદ્દેશ્ય ટોલ પ્લાઝા પર GNSS માટે અલગ લેન નક્કી કરવાનો છે. તેણે બેંગલુરુ-મૈસુર સેક્શન NH-275 પર પાયલોટ પ્રોજેક્ટ તરીકે ટ્રાયલ પૂર્ણ કરી છે. બીજી ટ્રાયલ પણ પાણીપત-હિસાર વિભાગ NH-709 પર હાથ ધરવામાં આવી હતી.

GNSS લેન સાઇનેજ, માર્કિંગ, લાઇટિંગ સિસ્ટમ અને સાધનોથી સજ્જ હશે જેથી આ લેનમાંથી પસાર થતા વાહનોની ગતિ અકબંધ રહે અને ફાસ્ટેગ લેનમાંથી પસાર થતા વાહનો સાથે કોઈ અથડામણ ન થાય. સામાન્ય રીતે ફાસ્ટેગ સિસ્ટમમાં એક મિનિટ સુધી લે છે, પરંતુ GNSSમાં આવી કોઈ સમસ્યા ઊભી થશે નહીં. તેથી ત્યાં કોઈ જામ રહેશે નહીં.

ફાસ્ટેગ સિસ્ટમ પણ થોડા દિવસો સુધી ચાલુ રહેશે: બંને વ્યવસ્થા હવે થોડા દિવસો સુધી અમલમાં રહેશે. ત્યારબાદ ફાસ્ટેગ સિસ્ટમ ધીમે ધીમે નાબૂદ કરવામાં આવશે. ફાસ્ટેગ સિસ્ટમમાં રેડિયો ફ્રીક્વન્સી આઇડેન્ટિફિકેશન ટેક્નોલોજીનો ઉપયોગ કરવામાં આવે છે. તેની શરૂઆત 2015માં કરવામાં આવી હતી. તે ફેબ્રુઆરી 2021 થી ફરજિયાત કરવામાં આવ્યું હતું. રોકડમાં ચૂકવણી કરવા પર પણ ડબલ દંડ લાદવામાં આવે છે.

માર્ચ 2024ના આંકડા દર્શાવે છે કે 98 ટકા ટોલ યુઝર્સ ફાસ્ટેગનો ઉપયોગ કરી રહ્યા છે. જો નેશનલ હાઈવે અને એક્સપ્રેસ વેને જોડીએ તો કુલ 45 હજાર કિલોમીટરના અંતર માટે 1200 ટોલ પ્લાઝા છે.

કેટલો ખર્ચ થશે:મીડિયા રિપોર્ટ્સ અનુસાર શરૂઆતમાં કોમર્શિયલ વાહનો માટે GNSS લાગુ કરવામાં આવશે ત્યારબાદ અન્ય વાહનોને સામેલ કરવામાં આવશે. જ્યાં સુધી ચાર્જિસની વાત છે, સરકારે આ અંગે કોઈ માહિતી આપી નથી. જોકે મીડિયા રિપોર્ટમાં કહેવામાં આવી રહ્યું છે કે ફાસ્ટેગ સિસ્ટમમાં જ્યાં 300 રૂપિયા થાય છે ત્યારે GNSSમાં તેનો ખર્ચ 4000 રૂપિયા થઈ શકે છે.

કયા દેશોમાં લાગુ છે આ સિસ્ટમ:તમને જણાવી દઈએ કે,હાલમાં આ સિસ્ટમ બેલ્જિયમ, રશિયા, પોલેન્ડ અને જર્મની જેવા દેશોમાં લાગુ છે.

આ પણ વાંચો: