મહાકુંભ 2025 માટે યોગી આદિત્યનાથે આપ્યું CM પટેલને ખાસ આમંત્રણ

ઉત્તરપ્રદેશના પ્રયાગરાજમાં આયોજીત મહાકુંભ 2025 માટે મુખ્યપ્રધાન યોગીએ મુખ્યપ્રધાન ભૂપેન્દ્ર પટેલને ખાસ આમંત્રણ આપ્યું છે. આ વખતે મહાકુંભ 2025 આયોજનમાં આર્ટિફિશિયલ ઇન્ટેલિજન્સનો ઉપયોગ કરવામાં આવશે.

ગાંધીનગર :ઉત્તર પ્રદેશના મુખ્યપ્રધાન યોગી આદિત્યનાથે પ્રયાગરાજમાં મહાકુંભ 2025 ના ઉદ્ઘાટનમાં હાજરી આપવા માટે ગુજરાતના મુખ્યપ્રધાન ભૂપેન્દ્ર પટેલને આમંત્રણ આપ્યું છે. ઉત્તર પ્રદેશના પ્રધાન એ.કે. શર્મા અને યુપીના કૌશલ્ય વિકાસ રાજ્ય પ્રધાન કપિલ દેવ અગ્રવાલ ગાંધીનગરમાં સીએમ ભૂપેન્દ્ર પટેલને મળ્યા અને સીએમ યોગી આદિત્યનાથ વતી આમંત્રણ આપ્યું હતું.

CM પટેલને મહાકુંભ 2025 માટે આમંત્રણ :CM પટેલે X પર એક પોસ્ટ કરતા જણાવ્યું કે, "ઉત્તર પ્રદેશના માનનીય મુખ્યમંત્રી યોગી આદિત્યનાથજી વતી, પ્રયાગરાજમાં આવતા વર્ષે યોજાનાર મહાકુંભ 2025 ના ઉદ્ઘાટનમાં હાજરી આપવા માટે વ્યક્તિગત રીતે આમંત્રણ આપ્યું છે."

મહાકુંભ ઉત્સવ 2025 :જાન્યુઆરી 2025 માં નિર્ધારિત ભવ્ય ધાર્મિક કાર્યક્રમ માટે સરળ કામગીરી સુનિશ્ચિત કરવામાં આવી હતી. મહાકુંભની શરૂઆત પોષ પૂર્ણિમા સ્નાન સાથે થાય છે, જે 13 જાન્યુઆરી, 2025 ના રોજ છે. કુંભ ઉત્સવ 26 ફેબ્રુઆરી, 2025 ના રોજ મહાશિવરાત્રીના દિવસે અંતિમ સ્નાન સાથે સમાપ્ત થશે.

ઉત્તરપ્રદેશ સરકારનો મોટો નિર્ણય :2 ડિસેમ્બરના રોજ ઉત્તર પ્રદેશ સરકારે પ્રયાગરાજમાં મહાકુંભ વિસ્તારને નવા જિલ્લા તરીકે જાહેર કર્યો છે. આ નિર્ણય આગામી કુંભ મેળાના સંચાલન અને વહીવટને સુવ્યવસ્થિત કરવા માટે લેવામાં આવ્યો હતો. જમીન, જળ અને હવામાં સુરક્ષા વ્યવસ્થા ગોઠવવામાં આવી રહી છે. સૌપ્રથમ સ્નાન વિધિ દરમિયાન કોઈપણ અપ્રિય ઘટનાઓને રોકવા માટે વોટર પોલીસને હાઈ-ટેક જેટ સ્કીથી સજ્જ કરવામાં આવી રહી છે, જેને ઘણીવાર "મિની શિપ" તરીકે ઓળખવામાં આવે છે.

સલામતી અને સુવિધા વ્યવસ્થા :અંદાજિત 45 કરોડ ભક્તોની સલામતી અને સુવિધા સુનિશ્ચિત કરવા માટે યોગી આદિત્યનાથ સરકાર આગામી મહાકુંભની તૈયારીઓમાં ક્રાંતિ લાવી રહી છે. મેનેજમેન્ટ અને સુરક્ષાને વધારવા માટે આર્ટિફિશિયલ ઈન્ટેલિજન્સ (AI) અને સોશિયલ મીડિયા પ્લેટફોર્મનો ઉપયોગ કરીને આટલા મોટા પાયા પર પ્રથમ વખત ભવ્ય ઈવેન્ટનું ડિજિટલાઈઝેશન કરવામાં આવી રહ્યું છે.

AI પાવર્ડ કેમેરા સિસ્ટમ :વિશાળ ભીડ પર નજર રાખવા અને 24/7 દેખરેખ સુનિશ્ચિત કરવા માટે સમગ્ર કુંભ સ્થળ પર Al-પાવર્ડ કેમેરા લગાવવામાં આવી રહ્યા છે. આ અત્યાધુનિક કેમેરા માત્ર સુરક્ષાને જ મજબૂત નહીં બનાવશે, પરંતુ મેળા દરમિયાન અલગ થઈ ગયેલા વ્યક્તિઓને ફરીથી મળવામાં પણ મદદ કરશે. વધુમાં ફેસબુક અને X જેવા લોકપ્રિય સોશિયલ મીડિયા પ્લેટફોર્મ ખોવાયેલા સ્વજનોને શોધવામાં તાત્કાલિક સહાય પૂરી પાડશે, યાત્રાળુઓના સમુદ્ર વચ્ચે પરિવારોને ફરીથી જોડવાની પ્રક્રિયાને સુવ્યવસ્થિત કરશે.