લોકસભા સંસદમાં રેલવે (સુધારા) બિલ, 2024 પર ચર્ચા ચાલી રહી છે. ગોરખપુરના BJP સાંસદ રવિ કિશને બિલની તરફેણમાં બોલતા રેલવેના સર્વાંગી વિકાસની પ્રશંસા કરી હતી. રવિ કિશને કહ્યું કે, પીએમ મોદીના કાર્યકાળમાં રેલવેએ ઘણા રેકોર્ડ બનાવ્યા. વિકાસના આંકડા ગણાવ્યા અને રવિ કિશને કહ્યું કે, વડાપ્રધાન નરેન્દ્ર મોદીની વિચારસરણી કેટલી દૂરંદેશી છે.
શિયાળુ સત્ર 2024: લોકસભામાં પ્રશ્નકાળ ચાલુ, રેલવે (સુધારા) બિલ પર ચર્ચા
Parliament Winter Session (ANI)
Published : 18 hours ago
|Updated : 16 hours ago
નવી દિલ્હી :શિયાળુ સત્રના 7મા દિવસ બુધવારે લોકસભા અને રાજ્યસભામાં કાર્યવાહી ફરી શરૂ થઈ છે. કેન્દ્રીય ગૃહ પ્રધાન અમિત શાહ આજે લોકસભામાં ડિઝાસ્ટર મેનેજમેન્ટ (સુધારા) બિલ, 2024 રજૂ કરશે. આપત્તિ વ્યવસ્થાપન અધિનિયમ, 2005 માં સુધારો કરવાના બિલ પર દિવસ દરમિયાન વિચારણા કરવામાં આવશે.
મંગળવારના રોજ પ્રશ્નકાળ દરમિયાન સંસદના બંને ગૃહોમાં પ્રમાણમાં સરળ કાર્યવાહી જોવા મળી હતી. વિદેશ મંત્રી એસ. જયશંકરે તાજેતરમાં ગૃહને LAC પર સૈનિકો પાછા ખેંચવાની માહિતી આપી હતી. સાથે જ કહ્યું કે, ભારત-ચીન સંબંધોમાં સુધારાના સંકેતો છે. આ સિવાય સરકાર અને વિપક્ષ એક અઠવાડિયા સુધી ચાલેલા મડાગાંઠ બાદ બંધારણ પર ચર્ચા કરવા માટે સર્વસંમતિ પર પહોંચ્યા હતા.
LIVE FEED
સંસદમાં રેલવે બિલ પર ચર્ચા, રવિકિશને રેલવેના વખાણ કર્યા
લોકસભામાં રેલવે (સુધારા) બિલ, 2024 પર ચર્ચા
રેલવે પ્રધાન અશ્વિની વૈષ્ણવે લોકસભામાં રેલવે (સુધારા) બિલ, 2024 રજૂ કર્યું, જેના પર ચર્ચા ચાલી રહી છે. કોંગ્રેસના સાંસદ મનોજ કુમારે વંદે ભારત ટ્રેનની ટિકિટના ભાવ મુદ્દે બોલતા ચર્ચાની શરૂઆત કરી હતી. અગાઉ રેલવે પ્રધાન અશ્વિની વૈષ્ણવે કહ્યું કે, ભારતીય રેલવે દર વર્ષે તમામ શ્રેણીના મુસાફરોને કુલ રૂ. 56,993 કરોડની સબસિડી આપે છે. જેમાં દરેક ટિકિટ પર 46 ટકા ડિસ્કાઉન્ટ આપવામાં આવે છે.
વિવિધ શ્રેણીના રેલ્વે મુસાફરોને આપવામાં આવતી રાહતો પુનઃસ્થાપિત કરવા અંગેના અનેક પ્રશ્નોના જવાબ આપતા અશ્વિની વૈષ્ણવે કહ્યું કે, જો ટિકિટની કિંમત 100 રૂપિયા છે તો રેલવે તેના માટે માત્ર 54 રૂપિયા વસૂલે છે, એટલે કે 46 ટકા ડિસ્કાઉન્ટ. રેપિડ ટ્રેન સેવા અંગેના અન્ય એક પ્રશ્નના જવાબમાં તેમણે જણાવ્યું હતું કે. રેલ્વેએ ભુજ અને અમદાવાદ વચ્ચે આવી સેવા - નમો ભારત રેપિડ રેલ - શરૂ કરી છે અને તેની ઉત્તમ સેવાને કારણે મુસાફરોનું સંતોષનું સ્તર ઘણું ઊંચું છે.
હેમા માલિનીએ બાંગ્લાદેશમાં હિંદુઓ પર થતા અત્યાચારનો મુદ્દો ઉઠાવ્યો
મથુરાના સાંસદ હેમા માલિનીએ બાંગ્લાદેશમાં હિંદુઓ પર થતા અત્યાચારનો મુદ્દો ઉઠાવ્યો હતો. સાથે જ ઈસ્કોનના ધાર્મિક નેતા ચિન્મય કૃષ્ણ દાસની ધરપકડ પર ચિંતા વ્યક્ત કરતા હેમા માલિનીએ જણાવ્યું કે, ઇસ્કોન વૈદિક સંસ્કૃતિને વૈશ્વિક સ્તરે રજૂ કરી અને માનવતાનો પાઠ ભણાવે છે. તેના હજારો કેન્દ્રો છે. પરંતુ તેની સામે હુમલા કરવામાં આવી રહ્યા છે. સરકારને હિંદુઓ પર અત્યાચાર બંધ કરવા વિનંતી કરતા હેમા માલિનીએ કહ્યું કે, તે પોતે કૃષ્ણ ભક્ત છે. તેનાથી તેમની સાથે લાખો ભક્તો દુઃખી થયા છે. અમે હિંદુઓ વિરુદ્ધ હિંસા અને અત્યાચાર સહન કરી શકતા નથી. આસામના સાંસદ દિલીપ સૈકિયાએ પણ આ મુદ્દો ઉઠાવ્યો હતો.
લોકસભામાં આજે લંચ બ્રેક નહીં મળે
લોકસભાના સ્પીકર ઓમ બિરલાએ કહ્યું કે, 'આજે ગૃહમાં લંચ બ્રેક નહીં હોય, જેથી સ્થગિત કરવામાં જે સમય ગુમાવ્યો તે અમુક હદ સુધી ભરપાઈ કરી શકાય.'
તેજસ્વી સૂર્યાએ ખાનગી વીમા કંપનીઓનો મુદ્દો ઉઠાવ્યો
કર્ણાટકની રાજધાની બેંગલુરુ દક્ષિણના સાંસદ તેજસ્વી સૂર્યાએ ખાનગી વીમા કંપનીઓ દ્વારા લગભગ 80 ટકા લોકોને વળતર ન આપવાનો મુદ્દો ઉઠાવ્યો હતો. તેમણે કહ્યું કે, 15 માંથી 10 ખાનગી વીમા કંપનીઓએ માત્ર 20 ટકા ચૂકવ્યા છે. આ એક ગંભીર મુદ્દો છે. સંબંધિત મંત્રાલયે આ તરફ ધ્યાન આપવાની જરૂર છે.
રેલવે બિલ પર આજે ચર્ચા થશે : ઓમ બિરલા
લોકસભાના સ્પીકર ઓમ બિરલાએ પ્રશ્નકાળ દરમિયાન ગૃહને સંબોધતા કહ્યું, 'આજે આપણે રેલવે બિલ પર ચર્ચા કરીશું. તે પહેલા હું એક વાત કરવા માંગુ છું. ઘણા વર્ષોથી લોટરીમાં 20 પ્રશ્નો આવે છે, તે પણ ખૂબ જ મુશ્કેલીથી. કેટલાક સભ્યોને એક વર્ષમાં પણ લોટરીમાં તક મળતી નથી, જ્યારે કેટલાકને એક સત્રમાં બે-ત્રણ તકો મળી છે. સંસદના તમામ સભ્યોની હાજરીમાં લોટરી સંપૂર્ણ પારદર્શિતા સાથે હાથ ધરવામાં આવે છે. હું તમને બધાને સંક્ષિપ્ત પ્રશ્નો પૂછવા અને ટૂંકા જવાબ આપવા વિનંતી કરું છું, જેથી કરીને અમે 20 પ્રશ્નોની સૂચિ પૂર્ણ કરી શકીએ.
લોકસભાના પ્રશ્નકાળમાં રેલવે બિલ પર ચર્ચા
સંસદના શિયાળુ સત્રના 7મા દિવસે રેલવે મંત્રી અશ્વિની વૈષ્ણવે લોકસભામાં કહ્યું કે, ઓડિશામાં રેલવે વિકાસ માટે 73,000 કરોડ રૂપિયાનું રોકાણ કરવામાં આવ્યું છે.
અદાણી મુદ્દે વિપક્ષના સાંસદોએ વિરોધ કર્યો
સંસદના ગૃહોની કાર્યવાહી શરૂ થતાં પહેલાં વિપક્ષી સાંસદોએ સંસદ પરિસરમાં અદાણી મુદ્દે વિરોધ પ્રદર્શન કર્યું હતું. વિપક્ષ ઈન્ડિયા એલાયન્સના ઘટક પક્ષોના નેતાઓ આ મુદ્દે સરકારને ઘેરવામાં લાગ્યા છે.
સંસદના બંને ગૃહોની કાર્યવાહી શરૂ
સંસદના બંને ગૃહો લોકસભા અને રાજ્યસભાની કાર્યવાહી શરૂ થઈ ગઈ છે.
કોંગ્રેસ સાંસદ મનીષ તિવારીએ સુખબીર સિંહ બાદલ પરના હુમલાની નિંદા કરી
સુખબીર સિંહ બાદલ પર થયેલા હુમલાને લઈને કોંગ્રેસના સાંસદ મનીષ તિવારીએ કહ્યું, 'આ અત્યંત દુઃખદ અને નિંદનીય છે. શ્રી અકાલ તખ્ત સાહિબ શીખોનું સૌથી મોટું ધાર્મિક સંગઠન છે અને સુખબીર સિંહ બાદલ તેમની સજા ભોગવી રહ્યા હતા, પરંતુ તેમના પર હુમલો કરવો એ અત્યંત નિંદનીય છે. આની તપાસ થવી જોઈએ અને જવાબદારો સામે પગલાં લેવા જોઈએ.
ગૌરવ ગોગોઈએ લોકસભામાં સ્થગિત દરખાસ્ત નોટિસ આપી
કોંગ્રેસના સાંસદ ગૌરવ ગોગોઈએ અદાણી કેસ પર ચર્ચા કરવા માટે લોકસભામાં સ્થગિત પ્રસ્તાવ નોટિસ આપી હતી. અદાણી મુદ્દે સંસદમાં વિપક્ષ પ્રહારો કરી રહ્યું છે. આ મુદ્દે છેલ્લા ઘણા દિવસોથી સંસદમાં મડાગાંઠ ચાલી રહી છે. મંગળવારના રોજ ઈન્ડિયા એલાયન્સના નેતાઓએ વિરોધ પ્રદર્શન પણ કર્યું હતું.
Last Updated : 16 hours ago