કોબી એ બનાવ્યા "કરોડપતિ", બંગલા અને વાહન પર લખ્યું.."આ બધું કોબીની બદૌલત છે"

ઘણા લોકો માને છે કે ખેતી કરવાથી દેવું થાય છે, પરંતુ કર્ણાટકનો એક ખેડૂત કોબીની ખેતી કરીને વૈભવી જીવન જીવી રહ્યો છે.

બેલગાવી: કોબીને આપણે સામાન્ય શાકભાજી ગણીએ છીએ. પરંતુ શું તમે કલ્પના કરી શકો છો કે, ચાઉમિન અને સલાડમાં વપરાતી કોબી કોઈને કરોડપતિ બનાવી શકે છે? કર્ણાટકના એક ખેડૂત જેને કોબીની ખેતી કરીને ન ફક્ત પોતાનું દેવું ચૂકવ્યું પરંતુ એક સમૃદ્ધ જીવન જીવી રહ્યો છે. ખેડૂતની પ્રગતિની સ્થિતિ એવી છે કે, તેના ઘર, બાઈક અને લગ્નના આમંત્રણ પત્ર પણ લખેલું છે કે, " આ બધુ કોબીની બદૌલત છે."

સંઘર્ષથી સફળતા સુધીઃ બેલગાવીના કડોલી ગામના ખેડૂત નાગેશ ચંદ્રપ્પા દેસાઈએ 10મા સુધી અભ્યાસ કર્યા બાદ શાળા છોડવી પડી અને ખેતી કરવી પડી હતી. શરૂઆતમાં તેણે પોતાની 3 એકર જમીનમાં શેરડી, બટાકા અને ચોખા ઉગાડ્યા. પરંતુ સ્થિર આવક મેળવવા માટે સંઘર્ષ કરવો પડ્યો હતો. આ સમયગાળા દરમિયાન દેવું પણ વધ્યું હતું. 2010માં તેણે કોબીની ખેતી કરવાનું નક્કી કર્યું હતું. નાગેશના આ નિર્ણયથી તેનું ભાગ્ય બદલાઈ ગયું. છેલ્લા 15 વર્ષમાં તેણે કોબીની ખેતીમાંથી 1 કરોડ રૂપિયાથી વધુની કમાણી કરી છે.

ખેડૂત નાગેશ ચંદ્રપ્પા દેસાઈ. (Etv Bharat)

ETV ભારત સાથે વાત કરતા, નાગેશે કહ્યું કે, "કોબીએ અમને દેવામાંથી બહાર કાઢ્યા અને અમને કરોડપતિ બનાવ્યા. તે જ કારણ છે કે, અમારા ઘરની દરેક વસ્તુ, ત્યાં સુધી અમારા વાસણો પર પણ લખેલું છે: 'આ બધુ કોબીની બદૌલત છે.'" તેની માતા મંગલ દેસાઈએ ગર્વથી કહ્યું કે, "કોબીની મદદથી અમે અમારા બાળકોને લગ્ન કરાવ્યા, જમીન ખરીદી અને અમારા જીવનને સારી બનાવી છે. અમે હંમેશા તેને આભારી રહેશું."

જન્મદિવસ કાર્ડ. (Etv Bharat)

'કોબીજ નાગન્ના'નું મળ્યું ઉપનામ: નાગેશના માતા-પિતા, પત્ની પ્રિયા અને તેમના ભાઈ કલપ્પા, જે બેંગલુરુમાં સોફ્ટવેર એન્જિનિયર છે, તેમની ખેતીને સમર્થન આપે છે. તેમના સમર્પણને કારણે તેમને ગામમાં "કોબીજ નાગન્ના" નું ઉપનામ મળ્યું છે. નાગેશે કોબીમાંથી થનાર નફામાંથી પોતાનું દેવું ચૂકવ્યું હતું. 80 લાખમાં 2 એકર જમીન ખરીદી અને પોતાના લગ્નની સાથે પોતાની બહેન અને ભાઈના લગ્નનો ખર્ચ પણ ઉઠાવ્યો. 9 વર્ષ પહેલાં, તેણે તેના ખેતરમાં રૂ. 6.5 લાખમાં એક ઘર બનાવ્યું અને તેના પર ગર્વથી લખેલું, "આ બધું કોબીની બદૌલત છે." તેની બાઇક પર પણ આ જ લખેલું છે.

લગ્ન કાર્ડ. (Etv Bharat)

ખેડૂતો માટે પ્રેરણા સ્ત્રોત: કોબીના ભાવ અણધાર્યા છે. ઉતાર-ચઢાવ હોવા છતાં નાગેશ કોબીની ખેતી માટે પ્રતિબદ્ધ છે. ગામના આગેવાન અપ્પાસાહેબ દેસાઈએ કહ્યું કે, "નાગેશની સખત મહેનત તમામ ખેડૂતો માટે પ્રેરણારૂપ છે. તે સાબિતી છે કે, ખેતી નફાકારક બની શકે છે." નાગેશની સફળતાની વાર્તાએ ઘણા લોકોને પ્રેરણા આપી છે અને સાબિત કર્યું છે કે, જો વ્યૂહાત્મક રીતે કરવામાં આવે તો ખેતીને મોટી નાણાકીય સફળતા મળી શકે છે.

નાગેશના પરિવારના સભ્યો (Etv Bharat)

કેવી રીતે થાય છે કોબીની ખેતી: કોબીની ખેતી માટે જમીન તૈયાર કરવામાં આવે છે. એકર દીઠ આશરે 40,000 છોડની જરૂર પડે છે. પાકને 5-6 વખત જંતુનાશક, 3 વખત ખાતર અને દર 8 દિવસે પાણીની જરૂર પડે છે. 3 મહિનામાં પ્રતિ એકર ઉપજ લગભગ 25-30 ટન થાય છે. બેંગલુરુ, ઘાટપ્રભા અને બેલગાવીના વેપારીઓ સીધા તેમના ખેતરમાં આવે છે. પાક લણે છે અને બજાર કિંમત ચૂકવે છે.

આ પણ વાંચો: