কামৰূপ,22আগষ্ট : ''ৰিপুণ বৰাৰ দাম কিমান''এই মন্তব্য দুই বিজেপি নেতাৰ ৷ বৃহস্পতিবাৰে সাংগঠনিক সাধাৰণ সম্পাদক ফণী শৰ্মা আৰু সম্পাদক কিশোৰ উপাধ্যায়ে যৌথভাৱে সাংবাদিকৰ আগত কেবাটাও গুৰুত্বপূৰ্ণ বিষয়ৰ ওপৰত মন্তব্য কৰে ৷ নেতা দুগৰাকীয়ে সাংবাদিকৰ আগত ৰিপুণ বৰাক উভতি ধৰি ৰিপুণ বৰাৰ দাম কিমান বুলিও প্ৰশ্ন কৰে ৷
ইয়াৰ লগতে, বিজেপিত চেল চলি আছে বুলি কোৱা বক্তব্যৰো প্ৰতিক্ৰীয়া কৰি বিজেপিৰ দুই নেতাই মন্তব্য কৰি কয়,কংগ্ৰেছত খেল চলি আছে আৰু এই খেল কিমান দূৰলৈ যায় সেয়া দেখা যাব ৷ কংগ্ৰেছক বিজেপিয়ে লোৱা-নোলোৱাটো পাচৰ কথা,কিন্তু কংগ্ৰেছৰ বহুতে যোগাযোগ অব্যাহত ৰাখিছে বিজেপিৰ সৈতে ৷ বন্ধুত্ব মূলক কথা বতৰাৰ মাজেৰেও বিজেপিত যোগদানৰ ইচ্ছা ব্যক্ত কৰিছে 9 জনে ৷ পিছত কংগ্ৰেছত তেওঁলোক থাকে নে নাথাকে সেয়া পাছৰ কথা ৷ ৰকিবুল হুছেইনৰ বিজেপিত যোগদান প্ৰসংগটো তাৎপৰ্যপূৰ্ণ বুলিও মন্তব্য কৰি নেতা দুগৰাকীয়ে ৰকিবুলক বিজেপিত লোৱা হ'ব নে সেয়া চিন্তাৰ বিষয় বুলিও মন্তব্য কৰে ৷