প্ৰাক্তন সাংসদ প্ৰয়াত ঈশ্বৰ প্ৰসন্ন হাজৰিকাৰ পত্নীৰ দেহাৱসান

লখিমপুৰ, 20 জুলাই : প্ৰয়াত প্ৰাক্তন সাংসদ ঈশ্বৰ প্ৰসন্ন হাজৰিকাৰ পত্নীৰ বিয়োগ । লখিমপুৰৰ নিবাসী প্ৰাক্তন সাংসদ প্ৰয়াত ঈশ্বৰ প্ৰসন্ন হাজৰিকাৰ পত্নী ছায়া হাজৰিকাৰ (৮১) শনিবাৰে দিল্লীৰ ওখলাৰ ফৰ্টিচ হাস্পতালত বিয়োগ হয় ৷ বিগত প্ৰায় দুবছৰ ধৰি তেওঁ এক গুৰুতৰ ৰোগত আক্ৰান্ত হৈ আছিল ৷ উল্লেখ্য যে অসমৰ অন্যতম ৰাজনীতিক তথা প্ৰাক্তন মন্ত্ৰী ৰামনাথ দাসৰ কন্যা আছিল ছায়া হাজৰিকা ।

উল্লেখ্য যে ঈশ্বৰ প্ৰসন্ন হাজৰিকাৰ ভাতৃবধুৰো তিনিদিন পূৰ্বে বিয়োগ হয় ৷ গড়কাপ্টানী বিভাগৰ অৱসৰী অধীক্ষক তথা ঈশ্বৰ প্ৰসন্ন হাজৰিকাৰ ভাতৃ বিৰিঞ্চি প্ৰসন্ন হাজৰিকাৰ পত্নী ড৹ বিনীতা হাজৰিকা(৭০)ৰ ১৬ জুলাইৰ নিশা লখিমপুৰ মেডিকেল কলেজ হাস্পতালত মৃত্যু হয় ।