বৰপেটাৰোড : বৰপেটাৰোডৰ শিমলাগুৰীত সোমবাৰে সন্ধিয়া সংঘটিত হয় এক ভয়ংকৰ পথ দুৰ্ঘটনা ৷ এই শোকাৱহ দুৰ্ঘটনাত থিতাতে নিহত হয় পিতা-পুত্ৰ । নিহত বাইক আৰোহীদ্বয় কৈলাশ মেধি আৰু ৰাজেশ মেধি ৷ পথ দুৰ্ঘটনাত নিহতদ্বয়ৰ ঘৰ বাক্সা জিলাৰ আনন্দ বজাৰৰ হাটখোলাত ।
27 নম্বৰ ৰাষ্ট্ৰীয় ঘাইপথেৰে সোমবাৰে সন্ধিয়া AS15S- 9071নম্বৰৰ বাইকেৰে হাউলী দিশৰ পৰা বৰপেটাৰোড অভিমুখে আহি থাকোতেই সৰভোগ দিশৰ পৰা অহা UP70FT7506 নম্বৰৰ তীব্ৰবেগী তেলৰ টেংকাৰ এখনে বাইক আৰোহীদ্বয়ক মহতিয়াই নিয়ে । দুৰ্ঘটনা সংঘটিত কৰা টেংকাৰখন শিমলাগুৰী আৰক্ষীয়ে ইতিমধ্য়ে জব্দ কৰিছে ।
