ফটকাৰ ফিৰিঙতিৰ পৰা শিলচৰত ভয়ংকৰ অগ্নিকাণ্ডৰ সূত্ৰপাত

শিলচৰ: দীপাৱলীৰ সন্ধিয়া শিলচৰত সংঘটিত হয় এক ভয়ংকৰ অগ্নিকাণ্ডৰ ঘটনা । ভস্মীভূত হয় শিলচৰ জানিগঞ্জ ভূঞাগদ্দিস্থিত এটা কপাহৰ গুদাম । ফটকাৰ ফিৰিঙতি পৰা এই অগ্নিকাণ্ডৰ সূত্ৰপাত হয় বুলি সন্দেহ কৰা হৈছে ।

বাতৰি লিখা পৰলৈকে 10 খনকৈ অগ্নিনিৰ্বাপক বাহিনীৰ বাহনেও নিয়ন্ত্ৰণ কৰিব পৰা নাই জুই ৷ ফলত আতংকিত হৈ পৰিছে অঞ্চলবাসী ৷ ঘটনাস্থলীত কাছাৰৰ আৰক্ষী অধীক্ষক নোমল মাহাত্তা উপস্থিত হৈ সামগ্ৰিক পৰিস্থিতি নিৰীক্ষণ কৰি আছে বুলি জানিব পৰা গৈছে ৷