মহানগৰীত আলফা (স্বাধীন)ৰ নামত ব্যৱসায়ীক ধন দাবী

গুৱাহাটী, ২২জুন: গুৱাহাটী মহানগৰীৰ বৰবাৰীৰ ভি আই পি ৰোড পেট্ৰল পাম্পৰ বিপৰীতে থকা ছ'নী টাইলছ নামৰ ব্যৱসায়িক প্ৰতিষ্ঠানৰ স্বত্বাধিকাৰীৰ পুত্ৰক আলফা (স্বাধীন)ৰ নামত ধন দাবী কৰা ঘটনা শেহতীয়াকৈ পোহৰলৈ আহিছে । ফোনযোগে দাবী কৰা ধন সময়মতে নিদিলে গুলীয়াই হত্য়া কৰাৰ ভাবুকি দিয়ে কোনো অজ্ঞাত ব্যক্তিয়ে ।

ছ'নী টাইলছৰ স্বত্বাধিকাৰী প্ৰমোদ ভগতৰ পুত্ৰ পংকজ ভগতক যোৱা ১৩ জুনৰ নিশা ৭.২৪ বজাত আলফা (স্বাধীন)ৰ নাম লৈ কোনো লোকে ধন দাবী কৰে । পিচদিনা ধন নিবলৈ অহাৰ কথা আছিল আলফা (স্বাধীন)ৰ নামত ধন বিচৰা অজ্ঞাত লোকজনে । ঘটনা সন্দৰ্ভত সেইদিনাই দিছপুৰ আৰক্ষী থানাত ধন দাবী কৰা সন্দৰ্ভত এজাহাৰ দাখিল কৰে ভুক্তভোগীয়ে ।