কাছাৰ: ৰাজপথত এতিয়া মৃত্য়ুৰ কিৰিলি । ৰাজ্য়ৰ বিভিন্ন ঠাইত বিগত কেইবাদিনত ৰাজপথত সংঘটিত পথ দুৰ্ঘটনাত কেইবাগৰাকী লোকে অকালতেই প্ৰাণ হেৰুওৱাৰ সময়তেই কাছাৰৰ ৰাণীঘাটত সংঘটিত হৈছে এক ভয়াৱহ দুৰ্ঘটনা । সোমবাৰে পুৱা সংঘটিত এই পথ দুৰ্ঘটনাত থিতাতেই প্ৰাণ হেৰুৱালে পাঁচজন যাত্ৰীয়ে ।
ঘটনাৰ বিৱৰণি অনুসৰি কাছাৰৰ ৰাণীঘাটত আজি পুৱাই এখন বলেৰ' পিকআপ আৰু যাত্ৰীবাহী অট'ৰ মাজত হোৱা মুখামুখি সংঘৰ্ষত পাঁচজন যাত্ৰীয়ে প্ৰাণ হেৰুৱায় । শিলচৰ কালাইন ৰোডৰ ৰাণীঘাটত সংঘটিত এই দুৰ্ঘটনাত মৃত পাঁচজনেই আছিল অট'খনৰ যাত্ৰী । ইয়াৰ পিচতেই এই ঘটনাক কেন্দ্ৰ কৰি এক উত্তপ্ত পৰিস্থিতিৰ সৃষ্টি হয় । উত্তেজিত ৰাইজে আনকি শিলচৰ কালাইন সংযোগী পথ অবৰোধ কৰে ।
