কাছাৰৰ কালাইনত নিশা ভয়ংকৰ অগ্নিকাণ্ড

শিলচৰ : কাছাৰৰ কালাইনত শনিবাৰে নিশা এক ভয়ংকৰ অগ্নিকাণ্ডৰ ঘটনা সংঘটিত হয় । এই অগ্নিকাণ্ডত জাহ যায় চাৰিখন ব্যৱসায়িক প্ৰতিষ্ঠান । স্থানীয় ৰাইজে উল্লেখ কৰা মতে, ঘটনা সংঘটিত হোৱাৰ পাচতে স্থানীয় ৰাইজে অগ্নিনিৰ্বাপক বাহিনীৰ লোকক খবৰ দিয়ে । খবৰ লাভ কৰিয়েই ঘটনাস্থলীত অগ্নিনিৰ্বাপক বাহিনীৰ কেইবাখনো বাহন উপস্থিত হৈ এই জুই নিয়ন্ত্ৰণ কৰে যদিও ভস্মীভূত হয় চাৰিখন ব্যৱসায়িক প্ৰতিষ্ঠান । এই অগ্নিকাণ্ডৰ ফলত কেবা লাখ টকাৰ ক্ষয়ক্ষতি হয় বুলি জানিব পৰা গৈছে । বৈদ্যুতিক শ্বৰ্ট চাৰ্কিটৰ ফলতে জুইৰ সূত্ৰপাত হোৱা বুলি সকলোৱে সন্দেহ কৰিছে ।