টুলুঙা নাও ডুবি দুটি নাবালকৰ মৃত্যু - Two minors died
Published : Jul 6, 2024, 9:57 PM IST
নলবাৰী, ৬ জুলাই: নলবাৰীৰ মুকালমুৱাৰ কালাৰদিয়াত শনিবাৰে বিয়লি টুলুঙা নাও ডুবি দুই নাবালকৰ মৃত্যু হয় । মৃত নাবালক দুটি ক্ৰমে মাৰুফা খাতুন(৫) আৰু আশ্ৰাফুল ইছলাম(১৫) বুলি চিনাক্ত কৰা হৈছে । পৰিয়ালৰ সৈতে টুলুঙা নাৱেৰে ভৰ বাৰিষাৰ পথাৰৰ মাজেৰে ঘৰলৈ গৈ থকা সময়তে নাওখন পথাৰৰ মাজত ডুব যায় । ফলত নাওখনত থকা আটাইকেইজন লোকেই পানীত পৰে ।
টুলুঙা নাওখনত মুঠ ৮ গৰাকী লোক আছিল বুলি জানিব পৰা গৈছে । নাওখনত থকা বাকী লোকসকলে সাতুৰি কোনোমতে পাৰত উঠে যদিও নাবালক দুটিয়ে পানীত ডুবি কৰুণ মৃত্যুক সাবটি ল’বলগীয়া হয় । এই ঘটনাক লৈ সমগ্ৰ মুকালমুৱা অঞ্চলত শোকাকুল পৰিৱেশে বিৰাজ কৰে । মৃত মাৰুফা খাতুনৰ পিতৃৰ নাম মিৰ হুছেইন আৰু আশ্ৰাফুল ইছলামৰ পিতৃৰ নাম ৰফিকুল ইছলাম জানিব পৰা গৈছে । উক্ত নাও দুৰ্ঘটনাৰ পিচত পৰিয়ালৰ লোকে নাবালক দুটিৰ মৃতদেহ মুকালমুৱা মহকুমা অসামৰিক চিকিৎসালয়লৈ লৈ আহে ।
লগতে পঢ়ক: বোকাখাতত নাও ডুবি দুজন যুৱকৰ মৃত্যু : তিনিজনৰ কথমপি প্ৰাণৰক্ষা - Assam Flood 2024