কাঠভৰ্তি বাহন জব্দ: ৰন্ধন গেছৰ বাহনত কাঠৰ কুণ্ডা সৰবৰাহ - doom dooma police

তিনিচুকীয়া, ২৮ ফেব্ৰুৱাৰী : অবৈধ কাঠৰ কুণ্ডা সৰবৰাহৰ নতুন এতিয়া কৌশল অৱলম্বন কৰিছে কাঠৰ মাফিয়াই । Indian Oil তথা "ईण्डेन" লিখা ৰন্ধন গেছ সৰবৰাহ কৰা বাহনত এতিয়া আৰক্ষীয়ে জব্দ কৰিছে কাঠৰ বৃহৎ বৃহৎ কাঠৰ কুণ্ডা । ডুমডুমা আৰক্ষীয়ে মঙলবাৰে নিশা প্ৰায় ২ মান বজাত ডুমডুমা বাইপাছৰ পৰা জব্দ কৰে এখন কুণ্ডাভৰ্তি বাহন । AS01 HC8807 নম্বৰৰ বাহনখন শদিয়া দিশৰ পৰা মাকুমলৈ গৈ আছিল বুলি সদৰী কৰে চালকজনে ।

ধলা-শদিয়াৰ ড৹ ভূপেন হাজৰিকাৰ সেতুত নিয়োজিত সুৰক্ষা কৰ্মীক কাঠৰ মাফিয়াই মেনেজ কৰি বাহনখন পাৰ কৰাইছিল বুলি চালকজনে স্বীকাৰোক্তি দিছে ৷ মাকুমত থকা এটা ফেক্টৰীলৈ এই কুণ্ডা লৈ গৈ থকা হৈছিল বুলি বাহনখনৰ চালকে উল্লেখ কৰিছে । এই অবৈধ কুণ্ডা সৰবৰাহৰ লগত লাল সিং নামৰ লোক এজন জড়িত বুলি বাহনখনৰ চালকে জানিবলৈ দিছে । ৰন্ধন গেছ সৰবৰাহ কৰা বাহনত কাঠ সৰবৰাহ কৰা ঘটনাই এতিয়া সৃষ্টি কৰিছে তীব্ৰ চাঞ্চল্যৰ ৷ পৰৱৰ্তী সময়ত আৰক্ষীয়ে এই অবৈধ কাঠ সৰবৰাহ কৰা বাহন আৰু চালকক আটক কৰিয়েই দায়িত্ব সামৰিব নে কাঠ মাফিয়াক আটক কৰিবলৈ সক্ষম হ’ব সেয়াহে মন কৰিবলগীয়া কথা ৷

লগতে পঢ়ক : ড্ৰাগছ সেৱনে বিলুপ্তি ঘটাব পাৰে যৌন জীৱনৰ