বুজন পৰিমাণৰ ড্ৰাগছসহ আৰক্ষীৰ জালত দুই যুৱক - Drugs seized in Dibrugarh - DRUGS SEIZED IN DIBRUGARH

মৰাণ, ৭ জুন: ড্ৰাগছৰ বিৰুদ্ধে আৰক্ষীয়ে অভিযান চলাই আছে, যদিও ডিব্ৰুগড় জিলাত কম হোৱা নাই ড্ৰাগছৰ সৰবৰাহ । জিলাখনৰ বিভিন্ন আৰক্ষী থানা এলেকাত প্ৰতিদিনে উদ্ধাৰ হৈ আছে ড্ৰাগছ । ইয়াৰ মাজতে মৰাণৰ ঝলমত বৃহস্পতিবাৰে সন্ধিয়া বৃহৎ পৰিমাণৰ ড্ৰাগছসহ দুই যুৱকক গ্ৰেপ্তাৰ কৰে আৰক্ষীয়ে ৷ দুই যুৱকে ব্যৱহাৰ কৰা AS 06 AB 0211 নম্বৰৰ এখন আৰ্টিকা গাড়ীৰ পৰা জব্দ কৰা হয় ড্ৰাগছৰ মুঠ 39 টা কণ্টেইনাৰ ৷

আৰক্ষীয়ে জনোৱা অনুসৰি, 39 টা কণ্টেইনাৰৰ পৰা জব্দ হৈছে 439 গ্ৰাম ড্ৰাগছ । মৰাণহাট আৰু মৰাণ আৰক্ষীৰ যুটীয়া অভিযানত ঝলমৰ ৰাষ্ট্ৰীয় ঘাইপথত এই ড্ৰাগছ জব্দ কৰা হয় ৷ ধৃত দুই যুৱক দুলীয়াজানৰ ভাদৈ পাঁচআলিৰ চন্দন বৰা আৰু টিপামৰ সাধন গগৈ বুলি জানিব পৰা গৈছে ৷ জব্দ কৰা ড্ৰাগছৰ মূল্য কেইবাকোটি টকা হ'ব ৷ জব্দ হোৱা বাহনখনৰ বিভিন্ন স্থানত লুকুৱাই আনিছিল ড্ৰাগছখিনি ।