তিনিচুকীয়া পৌৰসভাত নৱনিৰ্বাচিত পৌৰপতিৰ কাৰ্যভাৰ গ্ৰহণ

তিনিচুকীয়া: তিনিচুকীয়া পৌৰসভাত নতুনকৈ পৌৰপতিৰ দায়িত্ব ল’লে ৯নং ৱাৰ্ডৰ ৱাৰ্ড কমিছনাৰ তথা তিনিচুকীয়া জিলা বিজেপিৰ সাধাৰণ সম্পাদক পুলক চেতিয়াই । দায়িত্ব গ্ৰহণ কৰাৰ পাছতে সমস্যাই জৰ্জড়িত বাণিজ্যিক চহৰ তিনিচুকীয়াখন স্বচ্ছ আৰু নিকা কৰি ৰখাৰ স্বাৰ্থত আগন্তুক দিনসমূহত কাম কৰি যোৱাৰ লগতে সকলোৰে সহায়-সহযোগিতা কামনা কৰে পৌৰপতি পুলক চেতিয়াই ৷

সমান্তৰালভাৱে নিজ কাৰ্যালয়ৰ পৰাই সকলোকে পৰিষ্কাৰ পৰিচ্ছন্নতা বজাই ৰাখি আমি সকলোৱে কাম কৰি যাব লাগিব বুলি মন্তব্য কৰে পৌৰপতিগৰাকীয়ে । উল্লেখ্য় যে নিৰ্বাচনৰ পাছত ১৫ টাকৈ ৱাৰ্ডেৰে গঠিত তিনিচুকীয়া পৌৰসভাৰ তৃতীয়গৰাকী পৌৰপতি হিচাপে কাৰ্যভাৰ গ্ৰহণ কৰে পুলক চেতিয়া ।

সৰ্বসন্মতিক্ৰমে দায়িত্ব দিয়া প্ৰথমগৰাকী পৌৰপতি জয়ন্ত বৰুৱাক এবছৰ হোৱাৰ পূৰ্বেই অনাস্থা প্ৰস্তাৱৰ জৰিয়তে নাকচ কৰি সৰ্বসন্মতিক্ৰমে পবিত্ৰ গগৈক পৌৰপতিৰ দায়িত্ব দিয়ে । পৰৱৰ্তী সময়ত পুনৰ এবছৰ অতিক্ৰম কৰাৰ কিছুদিনৰ পাছতে অনাস্থা প্ৰস্তাৱ উত্থাপন কৰি পুলক চেতিয়াক পৌৰপতি হিচাপে দায়িত্ব প্ৰদান কৰে ।