ৰাজপথৰ মাজত অৰ্ধ উলংগ মৃতদেহ উদ্ধাৰ : শৰীৰত আঘাতৰ চিন স্পষ্ট - HALF NAKED Dead body recovered

তিনিচুকীয়া, ৩১ মে’: তিনিচুকীয়া জিলাৰ ডুমডুমাত সঘনাই সংঘটিত হৈ আহিছে অপৰাধজনিত ঘটনা ৷ শুকুৰবাৰে পুৱাই ডুমডুমাত এগৰাকী অচিনাক্ত লোকৰ অৰ্ধ উলংগ মৃতদেহ উদ্ধাৰ কৰা হৈছে ৷ ইয়াৰ লগতে মৃতদেহটোৰ দেহত স্পষ্টকৈ আঘাতৰ চিন পৰিলক্ষিত কৰা হৈছে ৷

ডুমডুমা আৰু বাঘজান সংযোগী গড়কাপ্তানী পথৰ দৈমুখীয়া চাহ বাগিচাত পথৰ মাজমজিয়াত উদ্ধাৰ হোৱা মৃতদেহটো প্ৰথমে স্থানীয় ৰাইজে প্ৰত্যক্ষ কৰে  ৷ মৃত লোকজনৰ বয়স প্ৰায় 40 বছৰৰ হ’ব বুলি অনুমান কৰা হৈছে ৷ মৃতদেহটোৰ ডিঙিত আৰু সমগ্ৰ দেহত আঘাতৰ চিন স্পষ্ট হৈ আছে ।

কোনো দুস্কৃতিকাৰীয়ে লোকজনক অন্য ঠাইত হত্যা কৰি মৃতদেহটো পথৰ ওপৰত পেলাই থোৱাৰ সন্দেহ প্ৰকাশ কৰিছে স্থানীয় ৰাইজে ৷ এতিয়ালৈকে লোকজনৰ পৰিচয় উদ্ধাৰ কৰিবলৈ সক্ষম হোৱা নাই ৷ পৰৱৰ্তী সময়ত স্থানীয় লোকে আৰক্ষীক অৱগত কৰাত আৰক্ষী ঘটনাস্থলীত উপস্থিত হৈ মৃতদেহটো উদ্ধাৰ কৰি ঘটনাৰ তদন্ত অব্যাহত ৰাখিছে ৷

লগতে পঢ়ক: সামাজিক মাধ্যমত ভাইৰেল হৈ থকা অল আইজ অন ৰাফা প্ৰকৃততে কি ? - All Eyes On Rafah