শাহু-বোৱাৰীৰ বাবে বিনামূলীয়া খাদ্য: এখন ৰেস্তোৰাঁত সততে নেদেখা দৃশ্য - Womens Day 2024

ইৰোড(তামিলনাডু): সততে নেদেখা শাহু-বোৱাৰীৰ এক দৃশ্য দেখা গ’ল এখন ৰোস্তাঁৰাত ৷ ৰেস্তোৰাঁখনত শাহুৱে বোৱাৰীক আৰু বোৱাৰীয়ে আহাৰ খুৱাই দিছে শাহুৱেকক ৷ যি দৃশ্যই চুই গৈছে সকলোৱে অন্তৰ ৷ পৰম্পৰাগত দৃশ্যটো দেখিবলৈ পোৱা গৈছে তামিলনাডুৰ এখন ৰেস্তোঁৰাত ৷  

তামিলনাডুৰ কল্যাণসুন্দৰমৰ ৰেস্তোৰাঁখনত 6 ৰ পৰা 18 মাৰ্চলৈকে বিশেষ অনুষ্ঠানটো আয়োজন কৰা হৈছে ৷ আন্তঃৰাষ্ট্ৰীয় নাৰী দিৱসৰ লগত সংগতি ৰাখি অনুষ্ঠানটো আয়োজন কৰা হয় ৰেস্তোঁৰাখনত ৷

প্ৰকৃতে ৰেস্তোঁৰাখনৰ কৰ্তৃপক্ষই এই দিনকেইটাত অনুষ্ঠিত কৰিছে প্ৰতিযোগিতা ৷ প্ৰতিযোগিতাৰ সময়ত শাহু আৰু বোৱাৰী দুয়োগৰাকীয়ে ইগৰাকীয়ে সিগৰাকীক খাদ্য যদি খুৱাই দিয়ে, তেন্তে সেই খাদ্য বিনামূলীয়াকৈ যোগান ধৰিছে ৰেস্তোঁৰা কৰ্তৃপক্ষই ৷

ৰেস্তোৰাঁখনৰ গৰাকীয়ে কয় যে এই প্ৰতিযোগিতাখন ২০১৮ চনৰ পৰা চলি আহিছে আৰু ৰাইজৰ সঁহাৰিও লাভ কৰিবলৈ সক্ষম হৈছে ৷ বহু লোকে অতি আগ্ৰহেৰে প্ৰতিযোগিতাখনত অংশগ্ৰহণ কৰে ৷ শাহু আৰু বোৱাৰীৰ মাজৰ সম্পৰ্কৰ যি ধাৰণা সততে কৰা হয়, তাৰ বিপৰীতে ই এক ইতিবাচক প্ৰভাৱ পেলাব বুলি আশা কৰে ৰেস্তোঁৰা কৰ্তপক্ষই ৷

লগতে পঢ়ক: আন্তৰ্জাতিক নাৰী দিৱস 2024; 10 সফল ভাৰতীয় মহিলা খেলুৱৈৰ সংগ্ৰামৰ কাহিনী