ETV Bharat / videos

চিৰাং,২ জুলাই: শেহতীয়াকৈ সমগ্ৰ ৰাজ্যতে প্ৰলয়ংকাৰী বানে ভয়ংকৰ ৰূপ ধাৰণ কৰিছে । ফেনে-ফোটোকাৰে বাঢ়িছে নৈ-উপ নৈৰ জলপৃষ্ঠ । অন্যান্য প্ৰান্তৰ সমান্তৰালভাৱে চিৰাং জিলাৰ বিজনীৰ খুংক্ৰাঝৰাত কানামাক্ৰা নৈৰ বাঢ়নী পানীয়ে বিস্তৰ ক্ষতিসাধন কৰে । নৈখনেৰে ভূটানৰ পৰা নামি অহা পানীয়ে গতি সলাই খুংক্ৰাঝৰাৰ মাজেৰে প্ৰৱেশ কৰাত এটা পথ চিঙি যোৱাৰ লগতে ১৭ টা কৈ পৰিয়ালে আশ্ৰয় ল'ব লগা হৈছে আশ্ৰয় শিবিৰত ।  

বিজনী মহকুমা প্ৰশাসনে বন্যাৰ্তসকলক খুংক্ৰাঝৰা এম ই স্কুলত আশ্ৰয় গ্ৰহণ কৰাৰ ব্যৱস্থা কৰি দিছে । কানামাক্ৰা নৈত মজবুত বান্ধৰ ব্যৱস্থা নকৰাৰ বাবে প্ৰতিবছৰেই উক্ত অঞ্চলত নৈখনৰ বাঢ়নী পানীয়ে বিস্তৰ ক্ষতিসাধন কৰে বুলি স্থানীয় ৰাইজে অভিযোগ উত্থাপন কৰে । সমগ্ৰ অঞ্চলটোতে সৃষ্টি হৈছে এক হাহাকাৰময় পৰিস্থিতিৰ ।