বৰপেটাত কংগ্ৰেছ প্ৰাৰ্থী দীপ বায়নৰ নিৰ্বাচনী ৰণডংকা - Lok Sabha Election 2024

বৰপেটা, 16 মাৰ্চ: শুকুৰবাৰে বৰপেটাত উপস্থিত হয় বৰপেটা লোকসভা সমষ্টিৰ কংগ্ৰেছ প্ৰাৰ্থী দীপ বায়ন ৷ বৰপেটাত উপস্থিত হৈ কংগ্ৰেছ প্ৰাৰ্থীগৰাকীয়ে বৰপেটা প্ৰেছ ক্লাৱত সম্বোধন কৰে এখন সংবাদমেল ৷ সংবাদমেলত কংগ্ৰেছ প্ৰাৰ্থীগৰাকীয়ে ৰাইজ সজাগ আৰু সচেতন হোৱা বুলি প্ৰকাশ কৰি বৰপেটাৰ সন্তান হিচাপে ৰাইজে তেওঁক আশীৰ্বাদ প্ৰদান কৰিব বুলি উল্লেখ কৰে ৷ লগতে সংবাদমেলত চিপিআইএমৰ বিধায়ক মনোৰঞ্জন তালুকদাৰৰ প্ৰাৰ্থিত্ব সম্পৰ্কেও মন্তব্য কৰে বায়নে। দীপ বায়নে জনায় যে মনোৰঞ্জন তালুকদাৰৰ সৈতে বৰ্তমানো কথা-বতৰা চলি আছে ৷ 

মনোৰঞ্জন তালুকদাৰক বিধানসভাত সৰৱ ভূমিকা পালন কৰি থাকিবলৈ আহ্বান জনাই ৰাইজৰ স্বাৰ্থত একগোট হৈ যুঁজিব লাগিব মত প্ৰকাশ কৰে বায়নে ৷ আনকি নিজে নিজে প্ৰাৰ্থী হ'বলৈ গ'লে ৰাইজৰ স্বাৰ্থ ৰক্ষা নহ'ব বুলিও মন্তব্য দীপ বায়নৰ ৷ আব্দুল খালেকৰ কংগ্ৰেছ ত্যাগ সম্পৰ্কেও মন্তব্য বৰপেটাৰ কংগ্ৰেছ প্ৰাৰ্থী দীপ বায়নৰ ৷ বৰপেটাত দীপ বায়নে প্ৰাৰ্থিত্ব লাভৰ ক্ষেত্ৰত আব্দুল খালেকে সহায় কৰাৰ লগতে নিৰ্বাচনতো সহায় আগবঢ়াব বুলি মন্তব্য প্ৰকাশ কৰে ৷ 

লগতে পঢ়ক: টিকট নোপোৱাৰ ক্ষোভত কংগ্ৰেছ এৰিলে খালেকে