ডিব্ৰুগড়ত সৰ্বানন্দ সোণোৱালৰ জয় নিশ্চিত : মিঠাই বিতৰণ কৰি হৰ্ষোল্লাস বিজেপি কৰ্মীৰ - Lok sabha election results 2024 - LOK SABHA ELECTION RESULTS 2024
Published : Jun 4, 2024, 3:40 PM IST
মৰাণ, 4 জুন : 13 নং ডিব্ৰুগড় লোকসভা সমষ্টিত বিজেপি প্ৰাৰ্থী সৰ্বানন্দ সোণোৱালে 613996 টা ভোটেৰে জয়ৰ দিশে প্ৰায় নিশ্চিত হৈছে ৷ ইয়াৰ পিচতে
ডিব্ৰুগড়ত ভোটগণনা কক্ষৰ বাহিৰত দেখা গৈছে বিজেপি কৰ্মী-সমৰ্থকৰ আনন্দ উল্লাস ৷ দলীয় কৰ্মী-সমৰ্থকসকলৰ মাজত পৰিলক্ষিত কৰা হৈছে ব্যাপক উছাহ ৷ ইতিমধ্যে ষ্ট্ৰং ৰূমৰ বাহিৰত সমবেত হৈছে শ শ বিজেপি নেতা-কৰ্মী ৷
আনুষ্ঠানিক ঘোষণালৈ এতিয়াও বহু সময় বাকী আছে যদিও বিজেপি নেতা-কৰ্মীসকলে মিঠাই বিতৰণ কৰি, বিহুগীত গাই, নাচি আনন্দ-উল্লাস কৰিছে ৷ বিজেপি দলৰ প্ৰাক্তন বিধায়ক ঋতুপৰ্ণ বৰুৱাই এই বিজয় উৎসৱত অংশ লৈ এয়া ডিব্ৰুগড়বাসীৰ বিজয় বুলি উল্লেখ কৰে ৷ অসমত বিজেপি দলে 12 খন আৰু সমগ্ৰ দেশত 340 খনৰ অধিক আসন লাভ কৰি নৰেন্দ্ৰ মোদীৰ নেতৃত্বতে চৰকাৰ গঠন হ'ব বুলি আশা প্ৰকাশ কৰে প্ৰাক্তন বিধায়কগৰাকীয়ে ৷
লোকসভা নিৰ্বাচনৰ ফলাফলৰ লাইভ আপডেটৰ বাবে ক্লিক কৰক https://www.etvbharat.com/as/!elections/lok-sabha-election-results