শোকাবহ পথ দুৰ্ঘটনাত প্ৰাণ হেৰুৱালে অসম আৰক্ষীৰ কমাণ্ডো জোৱানে - Road accident in Goalpara

গোৱালপাৰা,২৯ মাৰ্চ: মৃত্যুদূতত পৰিণত হৈছে গোৱালপাৰা জিলাৰ ১৭ নং ৰাষ্ট্ৰীয় ঘাইপথ । প্ৰায় প্ৰতিদিনে সংঘটিত হৈ আহিছে এটাৰ পিচত এটাকৈ ভয়ংকৰ পথ দুৰ্ঘটনা । শুকুৰবাৰে দুপৰীয়াৰ ভাগত সংঘটিত হয় এক মৰ্মান্তিক পথ দুৰ্ঘটনা । দুৰ্ঘটনাত থিতাতে নিহত হয় নতুনকৈ নিযুক্তি পোৱা কমাণ্ডো জোৱান ধ্ৰুৱজ্যোতি ৰাভা । আনহাতে গুৰুতৰভাৱে আহত হয় পৰাগজ্যোতি ৰাভা । জানিব পৰা মতে, ধ্ৰুৱজ্যোতি ৰাভাই এবছৰ পূর্বে অসম আৰক্ষীৰ কমাণ্ডো জোৱান হিচাপে নিযুক্তি লাভ কৰিছিল ।  

এবছৰ পিচত দৌল-মহোৎসৱ উপলক্ষে ছুটী লৈ ঘৰলৈ আহিছিল । শুকুৰবাৰে দুপৰীয়াৰ ভাগত নিজ বন্ধুৰ সৈতে এখন স্কুটীৰে ১৭ নং ৰাষ্ট্ৰীয় ঘাইপথেৰে ধূপধৰালৈ গৈ থাকোতে পিচফালৰ পৰা অচিনাক্ত বাহন এখনে খুন্দা মৰাৰ ফলত সংঘটিত হয় শোকাৱহ দুৰ্ঘটনাটো । বাহনখনৰ খুন্দাত থিতাতে নিহত হয় অসম আৰক্ষীৰ কমাণ্ডো জোৱান ধ্ৰুৱজ্যোতি ৰাভা । ইফালে দুৰ্ঘটনা সংঘটিত কৰিয়ে ঘটনাস্থলীৰ পৰা পলায়ন কৰে অচিনাক্ত বাহনখনে । পথচাৰীয়ে ঘটনা প্রত্যক্ষ কৰি ধূপধৰা আৰক্ষী থানাত খবৰ দিয়াত ধূপধৰা আৰক্ষীয়ে তৎকালীনভাৱে ঘটনাস্থলীত উপস্থিত হৈ আহতগৰাকীক উদ্ধাৰ কৰি ধূপধৰা প্ৰাথমিক স্বাস্থ্য কেন্দ্ৰত ভৰ্তি কৰায় ।

লগতে পঢ়ক: ট্ৰাকৰ খুন্দাত বৰবাৰীত থিতাতে নিহত এজন - Road Accident In Barbari Guwahat