৭ মাহেই হোজাইৰ অংগনৱাড়ী কেন্দ্রত অনুপস্থিত কৰ্মী-সহায়িকা - Irregularity in Anganwadi Centre

হোজাই, ২ মাৰ্চ: হোজাই জিলাখনৰ লংকাৰ জাৰণীগাঁও অংগনৱাড়ী কেন্দ্রৰ কৰ্মী-সহায়িকাৰ কৰ্ম-কাণ্ডই অতিষ্ঠ কৰিছে স্থানীয় ৰাইজক । স্থানীয় ৰাইজে আজি অভিযোগ উত্থাপন কৰি কয় যে বিগত ৭/৮ মাহ ধৰি বন্ধ হৈ আছে জাৰণীগাঁও অংগনৱাড়ী কেন্দ্রটো । ৰাইজে সংশ্লিষ্ট কৰ্তৃপক্ষক এই বিষয়ে অৱগত কৰাৰ পিচতো কৰ্মী-সহায়িকাৰ বিৰুদ্ধে কোনো ব্য়ৱস্থা গ্ৰহণ কৰা নাই ।      

এই কেন্দ্ৰটোৰ অংগনবাড়ী কৰ্মীকে ধৰি সহায়িকা গৰাকীও নিয়মীয়াকৈ উপস্থিত নাথাকে । স্থানীয় ৰাইজে ক্ষোভ প্ৰকাশ কৰি কয় যে কৰ্মীকে ধৰি সহায়িকা গৰাকীও নিয়মীয়াকৈ উপস্থিত নথকাৰ ফলত প্ৰাথমিক শিক্ষাকে ধৰি চৰকাৰৰ পৰা আৱন্টন লাভ কৰা খাদ্যবস্তুৰ লগতে খেলা-ধূলাৰ সামগ্ৰী আদিৰ পৰা বঞ্চিত হবলগীয়া হৈছে গাঁওখনৰ কণ কণ শিশু সকল ।

লগতে পঢ়ক:চৰকাৰে দমন নীতিৰে আন্দোলন বন্ধ কৰিব নোৱাৰে; আছু