হায়দৰাবাদ: অৱশেষত ট্ৰুকলাৰে আইফোন ব্যৱহাৰকাৰীৰ বাবে নতুন লাইভ কলাৰ আইডি সেৱা মুকলি কৰিছে, যিয়ে ইয়াৰ আইঅ’এছ এপ্লিকেচনৰ এতিয়ালৈকে সৰ্ববৃহৎ আপডেট হিচাপে চিহ্নিত হৈছে । কোম্পানীটোৱে দাবী কৰা মতে, নতুন সংস্কৰণটোৰ এণ্ড্ৰইডৰ দৰে একে স্তৰৰ কলাৰ চিনাক্তকৰণ আৰু স্পাম-ব্লক কৰাৰ ক্ষমতাযুক্ত ।
29 কোটিৰো অধিক ভাৰতীয় স্মাৰ্টফোন ব্যৱহাৰকাৰী থকা এই প্লেটফৰ্মটোৱে কয় যে ইয়াৰ আই অ’ এছ এপটোৱে এতিয়া সকলো ধৰণৰ কল চিনাক্ত কৰাৰ ক্ষমতা লাভ কৰিছে, যাৰ ফলত ই এণ্ড্ৰইডৰ বাবে ট্ৰুকলাৰৰ সমতুল্য হৈ পৰিছে ।
ট্ৰুকলাৰে এক প্ৰেছ বিজ্ঞপ্তিযোগে ব্যাখ্যা কৰি কয়,“এইটো এপলৰ লাইভ কলাৰ আইডি লুকআপ ফ্ৰেমৱৰ্কৰ দ্বাৰা সম্ভৱ হৈছে, যিটো বিশেষভাৱে ট্ৰুকেলাৰৰ দৰে এপৰ বাবে বিকশিত কৰা হৈছে যাতে গোপনীয়তা সংৰক্ষণকাৰীভাৱে লাইভ কলাৰ আইডি প্ৰদান কৰিব পৰা যায় ।” কোম্পানীটোৱে আৰু কয় যে এপিআইত অত্যাধুনিক ‘হোমোমৰ্ফিক এনক্ৰিপচন’ ব্যৱহাৰ কৰা হৈছে আৰু ট্ৰুকেলাৰ হৈছে কলাৰ আইডিৰ বাবে ইয়াক স্কেলত স্থাপন কৰা বিশ্বৰ প্ৰথমটো এপ ।
ট্ৰুকলাৰৰ শীৰ্ষ কাৰ্যবাহী বিষয়া ঋষিত ঝুনঝুনৱালাই তেওঁলোকৰ আইফোন ব্যৱহাৰকাৰী ভিত্তিৰ সম্ভাৱ্য বৃদ্ধিৰ ওপৰত আলোকপাত কৰি কয়, “আমি আইফোনলৈ ট্ৰুকলাৰৰ সম্পূৰ্ণ ক্ষমতা প্ৰদান কৰিবলৈ উৎসাহিত হৈছো ।”
Truecaller ৰ সহায়ত iOS ত Caller ID কেনেকৈ সক্ৰিয় কৰিব
iOS ত Truecaller ৰ বাবে Live Caller ID সক্ৰিয় কৰি আইফোন ব্যৱহাৰকাৰীয়ে ভুৱা কল আৰু সম্ভাৱ্য কেলেংকাৰীৰ উপৰিও অজ্ঞাত কলাৰ চিনাক্ত কৰিব পাৰিব । এই কাৰ্যকৰীতা Truecaller সংস্কৰণ 14.0 বা পিছৰ সংস্কৰণত উপলব্ধ আৰু ইয়াৰ বাবে iOS 18.2 বা পিছৰ সংস্কৰণৰ প্ৰয়োজন । নতুন বৈশিষ্ট্য সক্ৰিয় কৰিবলৈ, ব্যৱহাৰকাৰীসকলে তলৰ পদক্ষেপসমূহ অনুসৰণ কৰিব লাগিব: