নেশ্যনেল ডেস্ক,৯ আগষ্ট : ভাৰতীয় মহাকাশ গৱেষণা সংস্থাৰ (ইছৰো) অধ্যক্ষ ড৹ এছ সোমনাথে চন্দ্ৰযান-৪ অভিযানৰ বিষয়ে বিশেষ তথ্য প্ৰদান কৰিছে । অন্ধ্ৰপ্ৰদেশৰ তিৰুপতিৰ মোহন বাবু বিশ্ববিদ্যালয়ত এক অনুষ্ঠানত ভাষণ প্ৰদান কৰি ইছৰোৰ অধ্যক্ষগৰাকীয়ে কয়,"চন্দ্ৰযান-৪ অভিযান হৈছে এক ধাৰণা যাক চন্দ্ৰযান শৃংখলাৰ চিকুৱেলৰ অধীনত উন্নয়ন কৰা হৈছে । মহাকাশ গৱেষণা এক নিৰন্তৰ প্ৰক্ৰিয়া । ভাৰতে এই দিশত দ্ৰুতগতিত আগবাঢ়িছে ।"
২০৪০ চনৰ ভিতৰত চন্দ্ৰত পদাৰ্পণৰ লক্ষ্য ইছৰোৰ (ETV Bharat) ২০৪০ চনত পুনৰ চন্দ্ৰ অভিযানৰ লক্ষ্য
সতীশ ধাৱন মহাকাশ গৱেষণা কেন্দ্ৰ আৰু ৰাষ্ট্ৰীয় বায়ুমণ্ডলীয় গৱেষণা প্ৰতিষ্ঠানৰ যুটীয়া পৃষ্ঠপোষকতাত আয়োজিত এই ৰাষ্ট্ৰীয় মহাকাশ দিৱস উদযাপনত ভাষণ দি ড৹ এছ সোমনাথে কয়,"আমি ২০৪০ চনৰ ভিতৰত চন্দ্ৰত ভৰি দিব বিচাৰো ।"
ইছৰোৰ অধ্যক্ষ ড৹ সোমনাথে কয়, "আমাৰ দেশৰ প্ৰধানমন্ত্ৰী নৰেন্দ্ৰ মোদীয়ে চন্দ্ৰযান-৩ৰ অনুপ্ৰেৰণাত ২০৪০ চনৰ ভিতৰত চন্দ্ৰত ভৰি দিব বিচাৰে । যোৱা বছৰ ২৩ আগষ্টত চন্দ্ৰযান-৩ৰ শুভাৰম্ভ কেৱল ইউটিউবৰ জৰিয়তে প্ৰায় ৭ লাখ লোকে চাইছিল আৰু লাখ লাখ লোকে বিদ্যালয়, বিশ্ববিদ্যালয়, গ্ৰাম্য আৰু নগৰ অঞ্চলত ষ্ট্ৰীমিঙৰ জৰিয়তে পৰোক্ষভাৱে ইয়াক চাইছিল ।
ড৹ সোমনাথে কয়,"কেৱল দেশৰ সাধাৰণ ৰাইজেই নহয়, চন্দ্ৰযান-৩ৰ সময়ত প্ৰধানমন্ত্ৰী মোদীয়ে ব্ৰিকছৰ অতি গুৰুত্বপূৰ্ণ বৈঠকৰ মাজতো লাইভ চাই আছিল । ইছৰোৰ অধ্যক্ষগৰাকীয়ে কয় যে প্ৰধানমন্ত্ৰীয়ে উৎক্ষেপণৰ পূৰ্বে আৰু ইয়াৰ সফলতাৰ পিচত দিয়া অনুপ্ৰেৰণাই তেওঁক অপৰিসীম শক্তি প্ৰদান কৰিছিল । ড৹ এছ সোমনাথে স্মৰণ কৰি কয় যে বৈঠকৰ পিচত প্ৰধানমন্ত্ৰীয়ে চন্দ্ৰযান-৩ দলক সাক্ষাৎ কৰিবলৈ অহাৰ সময়তো তেওঁ অত্যন্ত সুখী আছিল আৰু তেওঁলোকক অভিনন্দন জনাইছিল ।
সোমনাথে কয় যে ভাৰতৰ দ্বাৰা প্ৰেৰণ কৰা চন্দ্ৰযান-৩ এতিয়ালৈকে আমেৰিকা আৰু ৰাছিয়াৰ দৰে দেশবোৰে কৰা পৰীক্ষাতকৈ বহুত বেলেগ আছিল ।
মোহন বাবু বিশ্ববিদ্যালয়ত আয়োজিত কাৰ্যসূচীটো সম্বোধন কৰাৰ অন্তত ড৹ এছ সোমনাথে শিক্ষাৰ্থীসকলৰ সৈতে বাৰ্তালাপ কৰে । সেই সময়ত তেওঁ কয় যে এটা কথাক লৈ তেওঁ সদায় দুঃখিত হৈ থাকিব কিয়নো তেওঁ ড৹ কালামৰ সৈতে কাম কৰাৰ সুযোগ নাপালে, যিয়ে তেওঁক অনুপ্ৰাণিত কৰিছিল ।
