নিউজ ডেস্ক, 2 অক্টোবৰ:দেশত বৃদ্ধি পাইছেকৃত্ৰিম বুদ্ধিমত্তাৰ গুৰুত্ব । কৃত্ৰিম বুদ্ধিমত্তাই সমগ্ৰ পৃথিৱীৰে চেহেৰা সলনি কৰি দিয়া পৰিলক্ষিত হৈছে । কৃত্ৰিম বুদ্ধিমত্তাৰ গুৰুত্ব বৃদ্ধি পোৱালৈ লক্ষ্য ৰাখি স্মাৰ্টফোন নিৰ্মাতা কোম্পানীসমূহে ইয়াৰ ওপৰত গুৰুত্ব আৰোপ কৰিছে আৰু তেওঁলোকৰ ফোনত কৃত্ৰিম বুদ্ধিমত্তা বৈশিষ্ট্য সংযোগ কৰিছে । অৱশ্যে দক্ষিণ কোৰিয়াৰ স্মাৰ্টফোন নিৰ্মাতা কোম্পানীটোৱে এই সময়তে প্ৰকাশ কৰিছে এক চাঞ্চল্যকৰ খবৰ ।
ছেমছাঙে ঘোষণা কৰিছে যে অহা বছৰলৈহে Galaxy S24 আৰু Galaxy S24 FE এ আই ফিচাৰ বিনামূলীয়াকৈ প্ৰদান কৰা হ’ব । তাৰ পিছত 2025 চনৰ শেষৰ পৰা এই AI বৈশিষ্ট্যসমূহ পাবলৈ স্পষ্ট কৰা হৈছে যে S24 ছিৰিজৰ মোবাইলৰ ব্যৱহাৰকাৰীসকলে অতিৰিক্ত মাচুল দিব লাগিব ।
চলিত বৰ্ষৰ জানুৱাৰী মাহত ছেমছাঙে নিজৰ S24 ছিৰিজৰ ফোন বজাৰত মুকলি কৰিছিল । এই মোবাইলসমূহত প্ৰথমবাৰৰ বাবে সংযোজন কৰা হৈছে AI বৈশিষ্ট্য । সেই সময়ত প্ৰকাশ কৰা প্ৰেছ বিজ্ঞপ্তিত Samsung এ কয় যে 2025 চনৰ শেষলৈকে বিনামূলীয়াকৈ কিছুমান বৈশিষ্ট্য প্ৰদান কৰিব । শেহতীয়াকৈ Galaxy S24 FE মুকলিৰ সময়ত কোৱা হৈছে যে কিছুমান AI বৈশিষ্ট্য 2025 চনৰ শেষ পৰ্যন্তহে থাকিব । ইয়াত স্পষ্ট কৰা হৈছে যে AI বৈশিষ্ট্যসমূহ আৰু এবছৰৰ বাবেহে বিনামূলীয়াকৈ প্ৰদান কৰা হ’ব । ভৱিষ্যতে A ছিৰিজৰ ফোনতো সংযোগ কৰা হ’ব AI ৰ বৈশিষ্ট্য ।