হায়দৰাবাদ: উৎসৱৰ বতৰৰ পূৰ্বে দেশত স্মাৰ্টফোনৰ চাহিদা বৃদ্ধি পাইছিল গ্ৰাম্যাঞ্চলত ৷ এই চাহিদাৰ দ্বাৰা পৰিচালিত হৈ ভাৰতীয় স্মাৰ্টফোনৰ বজাৰখন জুলাই-ছেপ্টেম্বৰৰ সময়ছোৱাত 9 শতাংশ বৃদ্ধি পাই 47.1 মিলিয়ন ইউনিট শিপিং কৰা হৈছে বুলি শেহতীয়া এক প্ৰতিবেদনত প্ৰকাশ পাইছে । বজাৰ গৱেষণা সংস্থা কেনালিছে জনোৱা মতে, উৎসৱৰ বতৰৰ বাবে সাজু হ’বলৈ অনলাইন আৰু অফলাইন চেনেলত বাৰিষাৰ আৰম্ভণিতে SALE ৰ জৰিয়তে বিক্ৰেতাসকলে তথ্য-পাতি ক্লিয়াৰ কৰিছিল ।
জ্যেষ্ঠ বিশ্লেষক ছান্যম চৌৰাছিয়াৰ মতে, বজাৰৰ শীৰ্ষ ব্ৰেণ্ডসমূহে উৎসৱকালীন Sale ৰ সময়ত সামগ্ৰী ক্লিয়াৰ কৰাৰ আশাত, মধ্য-উচ্চ দামত নিজৰ পৰ্টফলিঅ’ সম্প্ৰসাৰণ কৰিছে । ইফালে, শীৰ্ষ পাঁচটাৰ বাহিৰৰ ব্ৰেণ্ডসমূহেও আন এক শক্তিশালী ত্ৰৈমাসিকৰ অভিজ্ঞতা লাভ কৰিছে । এপলে আইফোন 15 ৰ চাহিদা আছিল ৷ ইয়াৰ শেহতীয়া আইফোনটো মুকলিৰ পূৰ্বে সৰু চহৰৰ পৰা বৃহৎ চাহিদা লাভ কৰিছিল আইফোন 15 এ ।
অন্যান্য ব্ৰেণ্ড, যেনে মটৰ'লা, গুগল আৰু নাথিং আদিৰো চাহিদা বৃদ্ধি হৈছে । ভিভ’ই প্ৰথমবাৰৰ বাবে প’ল পজিচন দাবী কৰিছিল, 19 শতাংশ বজাৰ অংশীদাৰিত্ব দখল কৰিছিল আৰু 91 লাখ ইউনিট শিপিং কৰিছিল ।
বাজেট 5G চিৰিজৰ দ্বাৰা পৰিচালিত ছাইঅ’মিয়ে 78 লাখ ইউনিট শিপিং কৰি দ্বিতীয় স্থান লাভ কৰাৰ বিপৰীতে ছেমছাঙে 75 লাখ ইউনিটেৰে তৃতীয় স্থান লাভ কৰে । প্ৰতিবেদন অনুসৰি অ’প’ (ৱানপ্লাছ বাদ দি) আৰু ৰিয়েলমিয়ে ক্ৰমে 63 লাখ আৰু 53 লাখ ইউনিট শিপ কৰি শীৰ্ষ পাঁচটা স্থান দখল কৰে ।