নিউজ ডেস্ক, 30 ছেপ্টেম্বৰ:বিলাসী গাড়ী নিৰ্মাতা কোম্পানী Rolls Royce এ আনুষ্ঠানিকভাৱে ভাৰতীয় বজাৰত তেওঁলোকৰ আইকনিক বিলাসী SUV Rolls Royce Cullinan Series-II ৰ আপডেটেড সংস্কৰণ মুকলি কৰিছে । কোম্পানীটোৱে শেহতীয়াকৈ বজাৰত মুকলি কৰা SUV খনৰ আৰম্ভণি মূল্য 10.5 কোটি টকা । গাড়ীখনে ধনিক শ্ৰেণীৰ দৃষ্টি আকৰ্ষণ কৰিবলৈ সক্ষম হৈছে ।
এই গাড়ীখনৰ আকৰ্ষণীয় কথাটো হ’ল ক্ৰেতাই নিজৰ পছন্দ অনুসৰি ইয়াক তৈয়াৰ কৰি ল’ব পাৰে, যাৰ বাবে ইয়াত বহু বিকল্প দিয়া হৈছে । ভাৰতীয় গ্ৰাহকৰ পৰিৱৰ্তিত পছন্দৰ প্ৰতি লক্ষ্য ৰাখি এনেদৰে প্ৰস্তত কৰা হৈছে এই বিলাসী গাড়ীখন । জানিব পৰা মতে, SUV Rolls Royce Cullinan Series-II খন যুৱ ক্ৰেতাক আকৰ্ষণ কৰিবলৈ ডিজাইন কৰা হৈছে ।
ডিজাইন
ডিজাইনৰ কথা ক’বলৈ গ’লে আধুনিক নান্দনিকতাক মূৰ্ত কৰি তুলিবলৈ যত্ন কৰা হৈছে । SUV Rolls Royce Cullinan Series-II ৰ অন্যতম স্বকীয় বৈশিষ্ট্য হ’ল ইয়াৰ জটিল ডিজাইনৰ ডেচব’ৰ্ড পেনেল, য’ত 7000 টা লেজাৰ-এচড বিন্দু আছে । ইয়াৰ উপৰিও এছ ইউ ভিখনত পিলাৰ-টু-পিলাৰ গ্লাছ পেনেল আছে, যিয়ে ডিজিটেল আৰু পৰম্পৰাগত কাৰুকাৰ্যৰ মিশ্ৰণক উজ্জ্বল কৰি তুলিছে যিটোৰ বাবে ৰ’লছ ৰয়েছ বিখ্যাত ।
প্ৰযুক্তিৰ ক্ষেত্ৰত Culinan Series-II ত আছে এটা আকৰ্ষণীয় 18 স্পীকাৰ অডিঅ’ চিষ্টেম, উন্নত সংযোগ বিকল্প, য’ত আছে ৱাই-ফাই হটস্পট আৰু প্ৰতিটো পৰ্দাৰ বাবে স্বতন্ত্ৰ ষ্ট্ৰীমিং আৰু পিছফালৰ আসনৰ ইনফ’টেইনমেণ্ট চিষ্টেম ব্লুটুথৰ জৰিয়তে সংযোগ কৰাৰ ক্ষমতা । লগতে নতুনকৈ ড্ৰাইভাৰৰ পৰ্দাত প্ৰদৰ্শিত হ’ব এনিমেটেড ‘স্পিৰিট অৱ এক্সটাচি’ ।
Rolls Royce Cullinan Series-II: বল্ড ব্লেক বেজ ভেৰিয়েণ্ট