ভাৰতীয় বজাৰত মুকলি হ’ল OnePlus 13 আৰু OnePlus 13R

বহু অপেক্ষাৰ অন্তত ৱানপ্লাছে মুকলি কৰিছে OnePlus 13 আৰু OnePlus 13R । প্ৰিমিয়াম ৰেঞ্জত মুকলি কৰা এই স্মাৰ্টফোনসমূহত বহু উন্নত বৈশিষ্ট্য উপলব্ধ ।বিতংকৈ জানো আহক

হায়দৰাবাদ: ভাৰতত মুকলি কৰা হৈছে OnePlus 13 আৰু OnePlus 13R । কেইসপ্তাহমানৰ আগতে ৱানপ্লাছে চীনত মুকলি কৰিছিল এই ফ্লেগশ্বিপ ফোন ছিৰিজ । 2025 চনৰ 7 জানুৱাৰীৰ দিনা কোম্পানীটোৱে ভাৰতকে ধৰি বিশ্বব্যাপী এই ফোনটো মুকলি কৰিছে । ৱানপ্লাছে নতুন ফ্লেগশ্বিপ ফোন ছিৰিজৰ ডিজাইনত পৰিৱৰ্তন আনিছে । এইবাৰ ব্যৱহাৰকাৰীয়ে এই দুয়োটা ফোনতে ফ্লেট চাইড আৰু ফ্লেট ডিছপ্লে দেখা পাব ।

একে সময়তে যোৱা বছৰ মুকলি কৰা OnePlus 12 Series ত কাৰ্ভড ষ্টাইল দেখা গৈছিল । কিন্তু পিছফালৰ কেমেৰা মডিউলৰ ডিজাইন পুৰণি মডেলৰ দৰেই । ইয়াৰ উপৰিও OnePlus ৰ এই নতুন ফোন ছিৰিজৰ দুয়োটা মডেলতে 6000mAh বেটাৰী দিয়া হৈছে । OnePlus 13 আৰু OnePlus 13R ৰ বিষয়ে সম্পূৰ্ণ বিৱৰণ কওঁ ।

OnePlus 13 ৰ বিশেষত্বসমূহ

• OnePlus 13 ৰ 6.82 ইঞ্চি QHD+ ৰিজ’লিউচন স্ক্ৰীণ আছে, য’ত ৰিফ্ৰেছ ৰেট 120Hz আৰু শীৰ্ষ উজ্জ্বলতা 4500 নিট আৰু ষ্টেণ্ডাৰ্ড উজ্জ্বলতা 1600 নিট ।
• এই ফোনটোৰ প্ৰচেছৰৰ বাবে Snapdragon 8 Elite চিপছেট দিয়া হৈছে । এই ফোনটো Android 15 ৰ ওপৰত ভিত্তি কৰি OxygenOS 15 ত চলিব, যিটো গুগলৰ Gemini AI ফিচাৰৰ সৈতে আহে ।
• এই ফোনটোৰ পিছফালে ট্ৰিপল কেমেৰা মডিউল আছে, যিটো Hasselblad ৰ অভিযান্ত্ৰিক দলৰ সহযোগত ডিজাইন কৰা হৈছে, যিটো আমি OnePlus ৰ যোৱা কেইটামান ফ্লেগশ্বিপ স্মাৰ্টফোন ছিৰিজত দেখিছো ।
• এই ফোনটোৰ বেক কেমেৰা ছেটআপৰ প্ৰাইমেৰী চেন্সৰত 50 MP, দ্বিতীয় চেন্সৰত 50 MP টেলিফটো লেন্স আৰু তৃতীয় চেন্সৰত 50 MP আল্ট্ৰাৱাইড এংগেল লেন্স আছে । এই ফোনটোৰ কেমেৰাই 4K ভিডিঅ’ সমৰ্থন কৰে আৰু ইয়াত এডভান্সড নাইট মোড ফিচাৰ আছে ।
• এই ফোনটোৰ সন্মুখত কোম্পানীয়ে চেলফি আৰু ভিডিঅ’ কলিঙৰ বাবে 32MP ফ্ৰন্ট কেমেৰা প্ৰদান কৰিছে।
• এই ফোনত কোম্পানীয়ে 6000mAh ৰ বৃহৎ বেটাৰী প্ৰদান কৰিছে, যিটো 100W ফাষ্ট চাৰ্জিং সমৰ্থন আৰু বেতাঁৰ চাৰ্জিং সমৰ্থনৰ সৈতে আহে । কোম্পানীটোৱে দাবী কৰিছে যে এই ফোনটোৰ বেটাৰীয়ে দুদিনৰ বেকআপ দিয়ে ।

OnePlus 13R ৰ স্পেচিফিকেশন

• এই ফোনত আছে 6.78 ইঞ্চি 1.5K LTPO স্ক্ৰীণ ।
• এই ফোনত প্ৰচেছৰৰ বাবে Snapdragon 8 Gen 3 চিপছেট প্ৰদান কৰা হৈছে, যিটো OnePlus 12R ৰ তুলনাত এটা বৃহৎ উন্নীতকৰণ বুলি ধৰিব পাৰি ।
• AI Notes, AI Cleanup, AI Imaging, Intelligent Search আৰু Snapshot Camera বৈশিষ্ট্যৰ লগতে এই ফোনত বহুতো AI বৈশিষ্ট্য প্ৰদান কৰা হৈছে ।
• এই ফোনটোত 6000mAh বেটাৰীও আছে, যিটো 100W ফাষ্ট চাৰ্জিং সমৰ্থনৰ সৈতে আহে ।

OnePlus 13 ৰ মূল্য আৰু বিক্ৰী

• এই ফোনটোৰ প্ৰথম ভেৰিয়েন্টত 12GB ৰেম + 256GB ষ্ট’ৰেজ আছে, যাৰ মূল্য 69,999 টকা ।
• এই ফোনটোৰ দ্বিতীয়টো ভেৰিয়েন্টত আছে 16GB + 512GB ষ্ট’ৰেজ, যাৰ মূল্য 76,999 টকা ।
• এই ফোনটোৰ তৃতীয় ভেৰিয়েন্টত আছে 24GB ৰেম + 1TB ষ্ট’ৰেজ, যাৰ মূল্য 89,999 টকা ।

10 জানুৱাৰীত এই ফোনটোৰ প্ৰথম বিক্ৰী আৰম্ভ হ’ব । ইচ্ছুক লোকে ৱানপ্লাছৰ অনলাইন আৰু অফলাইন ষ্ট’ৰৰ লগতে আমাজনৰ পৰা এই ফোনটো ক্ৰয় কৰিব পাৰিব । এই ফোনটো যদি আপুনি ICICI Bank কাৰ্ডেৰে ধন পৰিশোধ কৰি ক্ৰয় কৰে তেন্তে বেচ মডেলত 5 হাজাৰ টকাৰ ৰেহাই পাব । অৰ্থাৎ মাত্ৰ 64,999 টকাত এই ফোনটো কিনিব পাৰিব ।

OnePlus 13R ৰ মূল্য আৰু বিক্ৰী

• এই ফোনটোৰ প্ৰথম ভেৰিয়েন্টত 12GB + 256GB ষ্ট’ৰেজ আছে, যাৰ মূল্য 42,999 টকাৰ পৰা আৰম্ভ
• এই ফোনটোৰ দ্বিতীয়টো ভেৰিয়েন্টত আছে 16GB + 512GB ষ্ট’ৰেজ, যাৰ মূল্য 49,999 টকা
• ৱানপ্লাছ ব্যৱহাৰকাৰীয়ে এই ফোনত 3 হাজাৰ টকাৰ বেংক ৰেহাই আৰু 4 হাজাৰ টকাৰ এক্সচেঞ্জ বোনাছ লাভ কৰিব পাৰিব

লগতে পঢ়ক: আজি ভাৰতত মুকলি হ’ব OnePlus 13 series; কেনেকৈ চাব লাইভ ইভেণ্ট?