হায়দৰাবাদ: বিজ্ঞান আৰু প্ৰযুক্তি দপ্তৰৰ মন্ত্ৰী জিতেন্দ্ৰ সিঙে জানিবলৈ দিয়া মতে 2027 চনত ভাৰতে চন্দ্ৰযান-4 অভিযান আৰম্ভ কৰিব । চন্দ্ৰযান-4 ত কমেও দুটা পৃথক হেভিলিফ্ট LVM-3 ৰকেটৰ উৎক্ষেপণ কৰা হ’ব যিয়ে অভিযানৰ পাঁচটা ভিন্ন উপাদান কঢ়িয়াই নিব ৷ সেইবোৰ কক্ষপথত একত্ৰিত কৰা হ’ব ।
PTI ভিডিঅ’ছক দিয়া এক সাক্ষাৎকাৰত সিঙে কয় যে চন্দ্ৰযান-4 অভিযানৰ লক্ষ্য হৈছে চন্দ্ৰপৃষ্ঠৰ পৰা নমুনা সংগ্ৰহ কৰি নমুনা পৃথিৱীলৈ ঘূৰাই অনা । মন্ত্ৰীগৰাকীয়ে কয় যে ভাৰতীয় মহাকাশচাৰীক বিশেষভাৱে নিৰ্মিত মহাকাশযানত নিম্ন পৃথিৱীৰ কক্ষপথলৈ প্ৰেৰণ কৰি নিৰাপদে ঘূৰাই অনাৰ সৈতে জড়িত গগণিয়ান অভিযান অহা বছৰ আৰম্ভ কৰা হ’ব ।
Chandrayaan-4 to launch in 2027, will bring back samples of moon rocks: Jitendra Singhhttps://t.co/DCnXTEfH17#Chandrayaan4 #MoonMission #India #ISRO #SpaceExploration #BudgetSession2025 @DrJitendraSingh pic.twitter.com/5usJW92qTZ
— NewsDrum (@thenewsdrum) February 6, 2025
2026 চনত ভাৰতে সমুদ্ৰায়ণো উৎক্ষেপণ কৰিব ৷ তিনিজন বিজ্ঞানীক গভীৰ সাগৰত 6000 মিটাৰ গভীৰতালৈকে ছাবমাৰ্চিবলত লৈ গৈ সাগৰৰ তল অন্বেষণ কৰিব । সিঙে কয় যে এই কৃতিত্ব গগণিয়ান মহাকাশ অভিযানকে ধৰি ভাৰতৰ অন্যান্য ল্যাণ্ডমাৰ্ক অভিযানৰ সময়সীমাৰ সৈতে মিল খাব, যিটো জাতিটোৰ বৈজ্ঞানিক উৎকৰ্ষতাৰ দিশত কৰা যাত্ৰাত এক আনন্দদায়ক পৰিঘটনা হিচাপে পৰিণত হ’ব ।
সিঙে কয় যে প্ৰধানমন্ত্ৰী নৰেন্দ্ৰ মোদীয়ে স্বাধীনতা দিৱসৰ ভাষণত সমুদ্ৰায়ণ অভিযানক আলোকপাত কৰে ।
মন্ত্ৰীগৰাকীয়ে সমুদ্ৰায়নে জটিল খনিজ পদাৰ্থ, আপুৰুগীয়া ধাতু আৰু আৱিষ্কাৰ নোহোৱা সাগৰীয় জৈৱ বৈচিত্ৰ্যকে ধৰি বিশাল সম্পদৰ ক্ষেত্ৰত দুৱাৰ মুকলি কৰাৰ সম্ভাৱনাৰ ওপৰত গুৰুত্ব আৰোপ কৰে, যিবোৰ দেশৰ অৰ্থনৈতিক বৃদ্ধি আৰু পৰিৱেশ বহনক্ষমতাৰ বাবে অতি গুৰুত্বপূৰ্ণ ।
ৰবট কঢ়িয়াই অনা গগণিয়ান প্ৰকল্পৰ প্ৰথমটো অক্ৰুড মিছন ‘ব্যয়মমিত্ৰ’ও এইবাৰ অনুষ্ঠিত হ’ব ।
সিঙে কয় যে 1969 চনত ভাৰতীয় মহাকাশ গৱেষণা সংস্থা (ISRO) প্ৰতিষ্ঠা হোৱাৰ বিপৰীতে 1993 চনত প্ৰথমটো উৎক্ষেপণ স্থান স্থাপন কৰিবলৈ দুটা দশকৰো অধিক সময় লাগিছিল ।
আন এক দশকজোৰা ব্যৱধানৰ অন্তত 2004 চনত দ্বিতীয়টো লঞ্চ পেড আহিছিল । কিন্তু বিগত 10 বছৰত ভাৰতৰ মহাকাশ খণ্ডত আন্তঃগাঁথনি আৰু বিনিয়োগ দুয়োটা দিশতে অভূতপূৰ্ব সম্প্ৰসাৰণ ঘটিছে বুলিও মন্ত্ৰীগৰাকীয়ে কয় ।
সিঙে কয় যে আমি এতিয়া তৃতীয়টো উৎক্ষেপণ পেড আৰু প্ৰথমবাৰৰ বাবে গধুৰ ৰকেটৰ বাবে প্ৰস্তুতি চলাইছো ।
মন্ত্ৰীগৰাকীয়ে কয় যে বৰ্তমান ভাৰতৰ মহাকাশ অৰ্থনীতিৰ মূল্য 8 বিলিয়ন মাৰ্কিন ডলাৰ, অহা দশকত 44 বিলিয়ন মাৰ্কিন ডলাৰ হ’ব বুলি আশা কৰা হৈছে, যাৰ ফলত ভাৰতৰ বিশ্ব মহাকাশ শক্তিৰ ভূমিকা আৰু অধিক শক্তিশালী হ’ব ।
ব্যক্তিগত পৰ্যায়তো মহাকাশ খণ্ড মুকলি কৰাকে ধৰি বিগত দশকত আৰম্ভ কৰা সংস্কাৰৰ ফলত অধিক উদ্ভাৱন, বিনিয়োগ আৰু আন্তঃৰাষ্ট্ৰীয় সহযোগিতাৰ সৃষ্টি হৈছে বুলি সিঙে কয় । তেওঁ কয় যে নতুন আন্তঃগাঁথনি, বৰ্ধিত ব্যক্তিগত অংশগ্ৰহণ আৰু অভিলেখ ভংগকাৰী বিনিয়োগৰ জৰিয়তে ভাৰত আগন্তুক বছৰবোৰত এইক্ষেত্ৰত আৰু অধিক কৃতিত্ব লাভ কৰিব বুলি আশা কৰা হৈছে ।
লগতে পঢ়ক
