Google Play Store ত নতুন সংযোজন ৷ গুগল প্লে ষ্ট’ৰে ব্যৱহাৰকাৰীসকলৰ সুবিধাৰ বাবে দ্ৰুতগতিত কাম কৰি আছে । এইবাৰ এণ্ড্ৰইড ব্যৱহাৰকাৰীসকলৰ বাবে ভাল খবৰ লৈ আহিছে গুগল প্লে ষ্ট’ৰে ৷
এতিয়াৰ পৰা ব্যৱহাৰকাৰীসকলে প্লে ষ্ট’ৰৰ পৰা একেলগে একেটা সময়তে দুটা এপ ডাউনলোড কৰিবলৈ সক্ষম হ'ব । গুগল প্লে ষ্ট’ৰে এই নতুন সুবিধা মুকলি কৰিছে ৷ এতিয়াৰ পৰা ব্যৱহাৰকাৰীসকলে কোনো অসুবিধা নোহোৱাকৈ একেলগে দুটা এপ ডাউনলোড কৰিবলৈ সক্ষম হ'ব । গুগলৰ এই নৱসংযোজনৰ খবৰ পোহৰলৈ অহাৰ লগে লগে ব্যৱহাৰকাৰীসকল উৎসাহিত হৈ পৰিছে ৷
এই সুবিধাৰ ফলত ব্যৱহাৰকাৰীসকলে প্লে ষ্ট’ৰৰ পৰা একেসময়তে দুটা এপ ডাউনলোড কৰিবলৈ হ’লে হোৱা অসুবিধাৰ পৰা পৰিত্ৰাণ পাব ৷ প্ৰথমতে এটা এপৰ ডাউনলোড আৰু ইনষ্টল প্ৰক্ৰিয়া সমাপ্ত হোৱাৰ পূৰ্বেই ব্যৱহাৰকাৰীসকলে গুগল ডক্স, শ্বীট আৰু শ্লাইড ইনষ্টল কৰিবলৈ সক্ষম হ'ব । গুগলৰ এই নতুন সুবিধাটো প্লে ষ্ট’ৰৰ বাবে এটা উন্নত আপডেট ৷ ই নিশ্চিতভাৱে এণ্ড্ৰইড ব্যৱহাৰকাৰীসকলক বহু অসুবিধাৰ পৰা সকাহ দিব বুলি আশা কৰা হৈছে । এই সুবিধাত ছেটআপ প্ৰক্ৰিয়াৰ লগতে এপ ইনষ্টল কৰাৰ সমগ্ৰ প্ৰক্ৰিয়াও দ্ৰুত হ'ব ।