নিউজ ডেস্ক, 7 অক্টোবৰ: পুনৰ চৰ্চাত জনপ্ৰিয় কমেডিয়ান কুনাল কামৰা । কুনাল কামৰা আৰু ওলা ইলেক্ট্ৰিকৰ শীৰ্ষ কাৰ্যবাহী বিষয়া ভৱিষ আগৰৱালৰ মাজত X যোগে তীব্ৰ কথাৰ কটা কটি হোৱা পৰিলক্ষিত হয় । ভবিষ আগৰৱালাই কুনাল কামৰাক ফ্লপ কমেডিয়ান বুলি অভিহিত কৰিছে । এই সন্দৰ্ভত বাকযুদ্ধ চলি থকাৰ সময়ত কুনালে আগৰৱালক ‘ইল’ন মাস্ক’ বুলিও আক্ৰমণ কৰে । অৱশ্যে তেওঁলোকৰ এই তৰ্ক যুদ্ধ কি কাৰণে হৈছিল ? জানো আহক...
বেয়া চাৰ্ভিচিঙৰ বাবে বিতৰ্ক: কুনালে Ola electric scooters ৰ দুৰ্বল চাৰ্ভিচিং নেটৱৰ্কক লৈ প্ৰশ্ন উত্থাপন কৰিছিল । তেওঁ X যোগে প্ৰশ্ন উত্থাপন কৰিছিল যে ভাৰতৰ মানুহে এনেদৰে ইলেক্ট্ৰিক ভেহিকল ব্যৱহাৰ কৰিব নেকি ?
কুনালৰ এই পোষ্টটোৰ প্ৰতি সঁহাৰি আগবঢ়াই বহু গ্ৰাহকে মন্তব্য কৰি কয় যে কিছুদিনৰ পৰা ওলা ইলেক্ট্ৰিক স্কুটাৰে বেয়া চাৰ্ভিচ দি আছে । যোৱা ছেপ্টেম্বৰ মাহত ওলা ইলেক্ট্ৰিক স্কুটাৰৰ বিক্ৰী হ্ৰাস পোৱাৰ আঁৰৰ অন্যতম কাৰণ এইটোৱেই বুলিও তেওঁলোকে উল্লেখ কৰিছে । বিষয়টো সন্দৰ্ভত ছ’চিয়েল মিডিয়াত অব্যাহত আছে নাগৰিকৰ প্ৰতিক্ৰিয়াৰ ।