বৰ্তমান সময়ত, বেছিভাগ লোক মেদবহুলতাৰ চিকাৰ হোৱা দোখা যায় ৷ বিভিন্ন সময়ত লোকসকলে নিজকে ফিট ৰাখিবলৈ বহুতো প্ৰচেষ্টা কৰা দেখা যায় ৷ বহু লোকে ব্যায়াম কৰাৰ এলাহত আনকি বহু লোকে ঔষধো ব্যৱহাৰ কৰিবলৈ আৰম্ভ কৰে । ওজন হ্ৰাস কৰিবলৈ বহুতো লোকে ক্ৰেছ ডায়েট কৰাও দেখা যায় ৷ আনকি কিছু লোকে হঠাতে খোৱা বন্ধ কৰাও দেখা যায় ।
কিন্তু ডায়েট আপোনাৰ স্বাস্থ্যৰ পক্ষে কিমান উপকাৰী জানেনে ? এনে ডায়েটিঙে আপোনাৰ শৰীৰটোক ৰুগীয়া কৰে । আহাৰ বাদ দিয়াটো আমাৰ স্বাস্থ্যৰ বাবে ক্ষতিকাৰক হিচাপে পৰিগণিতহে হয় ৷ ইয়াৰ বহুতো পাৰ্শ্বক্ৰিয়াও থাকে ।
আনকি চিকিৎসকসকলৰ পৰামৰ্শ অনুসৰি, কম খাদ্য খোৱা বা আহাৰ এৰাটো ওজন হ্ৰাস কৰাৰ বাবে ভাল বিকল্প নহয় ।
আহাৰত কম কেলৰিযুক্ত খাদ্য অন্তৰ্ভুক্ত কৰক
যদি আপুনি কম কেলৰিযুক্ত আহাৰ সেৱন কৰে আৰু তাতকৈ অধিক কেলৰি দহন কৰে, তেনেহ’লে ই আপোনাৰ ওজন হ্ৰাস কৰিব । আনহাতে, যদি আপুনি কেলৰি হ্ৰাস কৰাতকৈ অধিক কেলৰিযুক্ত খাদ্য সেৱন কৰে তেন্তে ই আপোনাৰ ওজন বৃদ্ধি কৰিব ৷ দৌৰ, ব্যায়াম আৰু যোগৰ দৰে শাৰীৰিক কাৰ্যকলাপেৰে আপুনি অধিক কেলৰি দহন কৰিব পাৰে ৷ ই ওজন হ্ৰাস কৰাৰ বাবে সৰ্বশ্ৰেষ্ঠ উপায় ।
ওজন হ্ৰাস কৰিবলৈ কি খাদ্য খোৱা উচিত?
এনে কিছু খাদ্য আছে যিয়ে আপোনাক ওজন হ্ৰাস কৰাত সহায় কৰে । ইয়াৰে কিছু খাদ্যৰ কেৱল বিপাক ক্ৰিয়া ত্বৰান্বিত কৰাৰ ক্ষমতাই নহয়, লগতে আপোনাক দীঘলীয়া সময়ৰ বাবে ভোকৰ অনুভৱ কৰাব নোৱাৰে ৷
যেনে
- বিভিন্ন প্ৰকাৰৰ বীন
- ডাৰ্ক চকলেট
- পাচলি
- কণী
-বাদাম
-আপেল