নগাঁও, 9 মে’ : প্ৰথম দহটাকৈ স্থান প্ৰত্যাহাৰ কৰি ৰাষ্ট্ৰীয় শিক্ষানীতিৰ অধীনত প্ৰথমবাৰৰ বাবে ঘোষণা কৰা হৈছে উচ্চতৰ মাধ্যমিকৰ চূড়ান্ত পৰীক্ষাৰ ফলাফল । স্থানহীন ফলাফলে বহু শিক্ষানুষ্ঠানৰ পূৰ্বৰ পৰিৱেশ ম্লান কৰিলেও নগাঁৱৰ এখন শিক্ষানুষ্ঠানত উৎসৱমুখৰ পৰিৱেশে বিৰাজ কৰিছে ।
বিগত বর্ষত উচ্চতৰ মাধ্যমিকৰ চূড়ান্ত পৰীক্ষাৰ ফলাফলত প্ৰথম শীৰ্ষ দহটাকৈ স্থানৰ ভিতৰত কেইবাগৰাকী ছাত্ৰ-ছাত্ৰীয়ে স্থান লাভ কৰি অহা নগাঁৱৰ বাণিজ্য শাখাৰ গীতাঞ্জলি ছিনিয়ৰ ছেকেণ্ডাৰী স্কুলত এইবছৰো অইন বছৰৰ দৰে ফলাফল অক্ষুন্ন আছে ৷ শিক্ষানুষ্ঠানখনৰ পৰা ছাত্ৰ-ছাত্ৰীয়ে স্থান লাভ কৰা নাই যদিও বাণিজ্য শাখাৰ দুগৰাকী ছাত্ৰীয়ে বাণিজ্য শাখাৰ গণিত বিষয়ত সৰ্বোচ্চ নম্বৰ লাভ কৰি গীতাঞ্জলি ছিনিয়ৰ ছেকেণ্ডাৰী স্কুলৰ গৌৰৱ অক্ষুণ্ণ ৰাখিছে । তনুশ্ৰী বাচক আৰু তানিশা দাসে বাণিজ্য শাখাৰ গণিত বিষয়ত সৰ্বোচ্চ 99 নম্বৰ লাভ কৰিবলৈ সক্ষম হয় ৷
শিক্ষানুষ্ঠানখনত 100 শতাংশ ছাত্ৰ-ছাত্ৰী উত্তীৰ্ণ হোৱাৰ লগতে দুগৰাকী ছাত্ৰীয়ে বাণিজ্য শাখাৰ গণিত বিষয়ত সৰ্বোচ্চ নম্বৰ লাভ কৰিছে ৷ ছাত্ৰী দুগৰাকীক বিদ্যালয়খনৰ শিক্ষক-শিক্ষয়িত্ৰীসহ ছাত্ৰ-ছাত্ৰীয়ে সম্বৰ্ধনা জনোৱাৰ উপৰিও ফটকা আতচবাজিৰে উদুলি-মুদুলি পৰিৱেশ গঢ়ি তুলিছে ৷