অসম

assam

By ETV Bharat Assamese Team

Published : 6 hours ago

ETV Bharat / state

ছাত্ৰৰ তেজেৰে ৰাঙলী সোণাৰি কৰ্মাচ কলেজৰ পদূলি - Sonari Commerce College

Student injured in Sonari: এইবাৰ ভেৰোণীয়া গুণ্ডাৰ আক্ৰমণত ধৰাশায়ী কলেজীয়া ছাত্ৰ । মহাবিদ্যালয়ৰ ভিতৰৰ পৰা ছাত্ৰক মাতি আনি আক্ৰমণ কৰে দুজন ভেৰোণীয়া গুণ্ডাই । আক্ৰমণকাৰীৰ বিৰুদ্ধে সোণাৰি থানাত এজাহাৰ দাখিল আহত ছাত্ৰৰ পৰিয়ালৰ লগতে সোণাৰি কৰ্মাচ কলেজৰ ছাত্ৰ একতা সভাৰ ।

Sonari Commerce College student injured in attack by miscreants
ছাত্ৰৰ তেজেৰে ৰাঙলী সোণাৰি কৰ্মাচ কলেজৰ পদূলি (ETV Bharat Assam)

মৰাণ, ১ অক্টোবৰ: তেজেৰে ৰাঙলী হ'ল সোণাৰি কৰ্মাচ কলেজ । ভেৰোণীয়া গুণ্ডাৰ আক্ৰমণত এজন ছাত্ৰ গুৰুতৰভাৱে আহত হোৱাৰ অভিযোগ । আধুনিক শিক্ষা ব্যৱস্থা প্ৰৱৰ্তনৰ বাবে চেষ্টা চলি থকা সময়ত যুৱ উশৃংখলতাই চৰম সীমা অতিক্ৰম কৰাত চিন্তিত কৰিছে সকলোকে । তেনে সময়ত পুনৰ আন এক ভয়ংকৰ ঘটনা পোহৰলৈ আহিছে চৰাইদেউৰ সোণাৰিত ।

ঘটনা অনুসৰি সোমবাৰে বিয়লি মহাবিদ্যালয়ৰ ভিতৰৰ পৰা ছাত্ৰক মাতি আনি আক্ৰমণ কৰে দুই ভেৰোণীয়া গুণ্ডাই । সোণাৰি কৰ্মাচ কলেজৰ স্নাতক প্ৰথম বৰ্ষৰ ছাত্ৰ ইমৰাণ আলমক দুই ভেৰোণীয়া গুণ্ডাই আক্ৰমণ কৰাৰ অভিযোগ উত্থাপন কৰে পৰিয়ালৰ লগতে মহাবিদ্যালয়খনৰ সহপাঠীসকলে । জানিব পৰা অনুসৰি এখন ফটোক লৈ শনিবাৰে গুৰুতৰভাৱে আহত ইমৰাণ আলমে কলেজখনৰ এগৰাকী ছাত্ৰীৰ লগত তৰ্কাতৰ্কিত লিপ্ত হয় ।

ছাত্ৰৰ তেজেৰে ৰাঙলী সোণাৰি কৰ্মাচ কলেজৰ পদূলি (ETV Bharat Assam)

ইয়াৰ পাছতে ছাত্ৰীগৰাকীয়ে নিজৰ ভাতৃৰ সৈতে সোমবাৰে বিয়লি ভেৰোণীয়া গুণ্ডাৰ সহায়ত কলেজৰ পৰা কৌশলেৰে মাতি আনি কলেজৰ সন্মুখতে ধাৰাশায়ী কৰে ইমৰাণ আলমক । প্ৰথমে মটৰচাইকেলেৰে ছাত্ৰজনক খুন্দা মাৰিবলৈ চেষ্টা কৰিছিল যদিও সফল হ'ব নোৱৰাত চোকা অস্ত্ৰৰে ছাত্ৰজনক আক্ৰমণ কৰি পলায়ন কৰে দুই অভিযুক্তই । গুৰুতৰভাৱে আহত ছাত্র ইমৰাণ আলম সম্প্ৰতি ডিব্রুগড়ত চিকিৎসাধীন অৱস্থাত আছে যদিও ছাত্ৰজনৰ অৱস্থা সংকটমুক্ত বুলি জানিবলৈ দিয়ে চিকিৎসকে ।

আনহাতে এই কাণ্ডত জড়িত অভিযুক্ত গুণ্ডা নিয়ামত আলী, আলতব আলী সম্প্ৰতি পলাতক অৱস্থাত আছে । পৰিয়ালে ঘটনাৰ পাছতে আৰু সোণাৰি কৰ্মাচ কলেজৰ ছাত্ৰ একতা সভাৰ তৰফৰ পৰাও মঙলবাৰে সোণাৰি থানাত পৃথকে পৃথকে এজাহাৰ দাখিল কৰে । ইতিমধ্য়ে সোণাৰি থানাত এই সন্দৰ্ভত পঞ্জীয়ন হৈছে এটা গোচৰ (গোচৰ নম্বৰ ১১৫/২৪) অৱশ্যে এই ঘটনাক লৈ সোণাৰি কৰ্মাচ কলেজ কৰ্তৃপক্ষই বৰ্তমানলৈকে কোনোধৰণৰ প্ৰতিক্ৰিয়া প্ৰকাশ কৰা নাই ।

লগতে পঢ়ক:কিতাপ নহয়, এতিয়া ছাত্ৰৰ বেগত থাকে অস্ত্ৰ - Crime in School

এইবাৰ যোৰহাটৰ শিক্ষানুষ্ঠানত ৰক্তপাত, তেজেৰে ৰাঙলী দুই ছাত্ৰ - Clash breaks out between students

পঞ্চভূতত বিলীন সহপাঠীৰ আক্ৰমণত নিহত ভৱেশ ডেকাৰ নশ্বৰ দেহ - Students Murder in Sipajhar

ABOUT THE AUTHOR

...view details