শিলচৰ, ৫ ছেপ্টেম্বৰ : অনলাইন ট্ৰেডিঙৰ পিচত এইবাৰ চিটফাণ্ড কেলেংকাৰী । বৰাকত গা কৰি উঠিছে এই চিটফাণ্ড কেলেংকাৰী । এই চিটফাণ্ডক লৈ এতিয়া তীব্ৰ প্ৰতিক্ৰিয়াৰ সৃষ্টি হৈছে বৰাকত ।
শিলচৰত চিটফাণ্ড কাণ্ডত তৃণমূল কংগ্ৰেছৰ নেতাসহ ধৃত ৭ (ETV Bharat Assam)
আনহাতে, শিলচৰত চিটফাণ্ডৰ বিৰুদ্ধে আৰক্ষীয়ে এক অভিযান চলায় । এই অভিযানত গ্ৰেপ্তাৰ হয় তৃণমূল কংগ্ৰেছৰ নেতাসহ ৭ জন ৷ ধৃত আটাইকেইজন সিংহানিয়া ফিনটেক এগ্ৰিবিজনেছ কনছ'ৰ্টিয়াম কোম্পানী লিমিটেডৰ কাছাৰ শাখা কাৰ্যালয়ৰ কৰ্মী ।
উল্লেখ্য যে, ঋণ প্ৰদানৰ নামত প্ৰতাৰণা কৰাৰ অভিযোগত দুদিন পূৰ্বে সিংহানিয়া ফিনটেক এগ্ৰিবিজনেছ কনছ'ৰ্টিয়াম কোম্পানী লিমিটেড নামৰ এক চিটফাণ্ড কোম্পানীৰ বিৰুদ্ধে আৰক্ষীয়ে হাইলাকান্দিত অভিযান চলাইছিল । এই অভিযানত গ্ৰেপ্তাৰ হৈছিল বিজেপিৰ সংখ্যালঘু মৰ্চাৰ হাইলাকান্দি জিলাৰ সভাপতি তথা চিটফাণ্ড কোম্পানীটোৰ বৰাক উপত্যকাৰ কো-অৰ্ডিনেটৰ আমজাদুল হুছেইনসহ ৯ জনকৈ লোক ।