টীয়ক, ২৫ আগষ্ট :আজি অৰ্থাৎ দেওবাৰে টীয়কৰ কলিয়াপানীস্থিত শ্ৰী শ্ৰী আউনীআটী সত্ৰত অনুষ্ঠিত কৰা হয় এক গাম্ভীৰ্যপূৰ্ণ অনুষ্ঠান ৷ এই অনুষ্ঠানতে বিশিষ্ট শিক্ষাবিদ তুৱাৰাম খনিকৰক প্ৰদান কৰা হয় আউনীআটী সত্ৰৰ ২০২৪ বৰ্ষৰ দামোদৰ দেৱ বঁটা । ২০২৪ বৰ্ষৰ দামোদৰ দেৱ বঁটা প্ৰদান অনুষ্ঠানত শ্ৰী শ্ৰী আউনীআটী সত্ৰৰ সত্ৰাধিকাৰ ড৹ পিতাম্বৰ দেৱ গোস্বামীকে প্ৰমুখ্য কৰি কেইবাগৰাকীও বিশিষ্ট ব্যক্তি উপস্থিতি থাকে ৷
বিশিষ্ট শিক্ষাবিদ তুৱাৰাম খনিকৰক প্ৰদান ২০২৪ বৰ্ষৰ দামোদৰ দেৱ বঁটা (ETV Bharat)
উল্লেখ্য যে, শ্ৰী শ্ৰী আউনীআটী সত্ৰই ২০১২ চনৰ পৰাই সাহিত্য-সংস্কৃতি, সংবাদ তথা অসমৰ সমাজ জীৱনলৈ অৱদান আগবঢ়োৱা বৰেণ্য ব্যক্তিসকলক এই বঁটা প্ৰদান কৰি আহিছে । ইয়াৰ পূৰ্বে তুৱাৰাম খনিকৰে শিক্ষাৰ জেউতি বঁটা ২০১৫, অসম চৰকাৰৰ সাংস্কৃতিক পৰিক্ৰমা বিভাগে (বীৰাংগনা সতী সাধনী স্মৃতি দিৱসত) ৰঙামুৱা বীৰ বঁটা ২০২৪ ইতিমধ্যে লাভ কৰিছে ।