গুৱাহাটী, ২২ জুন: শনিবাৰৰ পৰা নীলাচলৰ বুকুত আৰম্ভ হ’ল মহা অম্বুবাচী মেলা ৷ কামাখ্যা মন্দিৰত আৰম্ভ হোৱা মহা অম্বুবাচী মেলাৰ আনুষ্ঠানিকভাৱে উদ্বোধন কৰে পৰ্যটন মন্ত্ৰী জয়ন্ত মল্লবৰুৱাই ।
গুৱাহাটীৰ পাণ্ডুত অনুষ্ঠিত এক অনুষ্ঠানত পৰ্যটন মন্ত্ৰী জয়ন্ত মল্লবৰুৱাই এই মেলাখনৰ আনুষ্ঠানিকভাৱে উদ্বোধন কৰি কয় যে ২০১৭ চনৰ পৰা এই মেলাখন অতি সুচাৰুৰূপে অনুষ্ঠিত কৰা হৈছে । ভক্তৰ সমাগম বৃদ্ধি পাইছে । মেলাখনৰ বিষয়ে ৰাষ্ট্ৰীয় পৰ্যায়ত বিভিন্নধৰণৰে প্ৰচাৰ কৰাৰ ফলত ভক্তৰ সমাগম বৃদ্ধি পাইছে ৷
লগতে পঢ়ক:আমাকো এধানি মৰম দিয়ক ! কামাখ্যা ধামৰ পৰা মৰম আকলুৱা মোহিনীৰ আহ্বান
মন্ত্ৰী মল্লবৰুৱাই কয় যে যোৱা দুটা বছৰত অম্বুবাচী মেলাৰ প্ৰচাৰ বিশেষ কৰা হোৱা নাই । কিয়নো ইমান বেছি ভক্তৰ সমাগম নিয়ন্ত্ৰণ কৰাটো সহজ নহয় ৷ তেওঁ কয় যে ৰাজ্য চৰকাৰে কামাখ্যা মন্দিৰৰ উন্নয়নৰ বাবে বিভিন্ন পদক্ষেপ গ্ৰহণ কৰি আহিছে ৷ এইবাৰ ৰাজ্য চৰকাৰে দিব্যলোক পৰিযোজনাৰ সহায়ত কামাখ্যা মন্দিৰলৈ অহা ভক্তসকলৰ সুবিধাৰ বাবে পদক্ষেপ গ্ৰহণ কৰিব ।