কলিয়াবৰ/ৰঙাপৰা, 20 জুলাই: শুকুৰবাৰে নিশা ৰাজ্যৰ কেইবাটাও প্ৰান্তত সংঘটিত হয় ভয়ংকৰ পথ দুৰ্ঘটনা । পথ দুৰ্ঘটনাত আহত হয় কেইবাজনো লোক । কলিয়াবৰ আৰু ৰঙাপৰাতো সংঘটিত হয় ভয়ংকৰ পথ দুৰ্ঘটনা । কলিয়াবৰত সংঘটিত পথ দুৰ্ঘটনাত আহত তিনিজন লোক । ইফালে ৰঙাপৰাত সংঘটিত পথ দুৰ্ঘটনাত কোনো লোক আহত হোৱা নাই যদিও নিয়ন্ত্ৰণ হেৰুৱাই বাগিচাৰ মাজত সোমালগৈ চিলিণ্ডাৰ ভৰ্তি ট্ৰাক ।
কলিয়াবৰ :
কলিয়াবৰ তিনিআলিৰ পৰা তেজপুৰ অভিমুখী ৰাষ্ট্ৰীয় ঘাইপথত শুকুৰবাৰে নিশা সংঘটিত হয় এক পথ দুৰ্ঘটনা । উলুৱনী চাৰিআলিত তেজপুৰৰ দিশৰ পৰা আহি থকা এখন মালবাহী ট্ৰাকে নিয়ন্ত্ৰণ হেৰুৱাই প্ৰথমে পথৰ কাষত ৰৈ থকা এজন লোকক খুন্দিয়াই । তাৰ পাচত ৰৈ থকা আন এখন ট্ৰাকত খুন্দিয়াই দুৰ্ঘটনাত পতিত হয় ট্ৰাকখন । দুৰ্ঘটনাৰ ফলত ট্ৰাকখনৰ চালক-হেণ্ডিমেন গুৰুতৰভাৱে আহত হয় ।
আহত আনজন লোক আন এখন ট্ৰাকৰ হেণ্ডিমেন বুলি জানিব পৰা গৈছে । তেজপুৰ দিশৰ পৰা অহা NL-01K-9336 নম্বৰৰ ট্ৰাকখনে ৰখাই থোৱা AS-05-AC-5018 নম্বৰৰ ট্ৰাকখনক প্ৰচণ্ড জোৰেৰে খুন্দা মাৰে । ফলত ট্ৰাকখনত থকা চালক হেণ্ডিমেন গুৰুতৰভাৱে আহত হোৱাৰ লগতে আন এখন ট্ৰাকৰ হেণ্ডিমেন এজনো গুৰুতৰভাৱে আহত হয় । আহতসকলৰ দুজনক ততাতৈয়াকৈ উদ্ধাৰ কৰি 108 সেৱাৰে কলিয়াবৰ অসামৰিক চিকিৎসালয়লৈ প্ৰেৰণ কৰে ।
ৰঙাপৰা: