যোৰহাট, 24 জুন : মানৱতাৰ নিদৰ্শন দাঙি ধৰিলে যোৰহাট চিকিৎসা মহাবিদ্যালয়ৰ চিকিৎসকে ৷ চিকিৎসকে যে মৃত্যুৰ মুখৰ পৰা ওভতাই আনি এজন লোকক নতুন জীৱন দিব পাৰে তাৰেই প্ৰমাণ দিলে যোৰহাট চিকিৎসা মহাবিদ্যালয়ৰ চিকিৎসকে ৷ দুয়োখন ভৰি হেৰুৱাই মৃত্যুৰ পথলৈ আগবঢ়া এগৰাকী অসহায় যুৱকক চিকিৎসকে দিলে নতুন জীৱন ৷
এগৰাকী অসহায় যুৱকক চিকিৎসকে দিলে নতুন জীৱন (ETV BHARAT ASSAM) আমগুৰিৰ বৃন্দাবন ধাবাৰ কৰ্মচাৰী মনোৰঞ্জন বৈশ্য নামৰ 29 বছৰীয়া যুৱকজনক নতুন জীৱন প্ৰদান কৰিলে যোৰহাট চিকিৎসা মহাবিদ্যালয় আৰু চিকিৎসালয়ে ৷ চলিত বৰ্ষৰ মাৰ্চ মাহত দুৰ্ঘটনাবশতঃ ৰে’লৰ চেপাত যুৱকজনে হেৰুৱাব লগা হৈছিল দুয়োখন ভৰি ৷ দুৰ্ঘটনাৰ পাচতে কোনো অজ্ঞাত ব্যক্তিয়ে যুৱকজনক যোৰহাট চিকিৎসা মহাবিদ্যালয় আৰু হাস্পতালত থৈ পলায়ন কৰে আৰু ইয়াতে দায়িত্ব সামৰে ৷ নলবাৰীৰ যুৱকজনৰ আজি পৰ্যন্ত নোলাল কোনো অভিভৱকো ৷
লগতে পঢ়ক :কলেৰাত মৃত্যু হোৱা লোকৰ পৰিয়ালক এক লাখ টকাকৈ আৰ্থিক সাহাৰ্য মুখ্যমন্ত্রীৰ - Cholera cases in Assam
চিকিৎসা মহাবিদ্যালয়খনত ভৰ্তি হোৱাৰ দিনাৰে পৰাই চিকিৎসকেই তেওঁৰ বাবেই হৈ পৰে অভিভাৱক ৷ চিকিৎসা মহাবিদ্যালয়ৰ ফিজিঅ’ থেৰাপী বিভাগৰ চিকিৎসক অংকুৰ জ্যোতি বৰা, দীপজ্যোতি বৰ্মন, অস্থি বিভাগৰ চিকিৎসক নয়নমণি দত্তৰ প্ৰচেষ্টাত যুৱকজনে লাভ কৰিলে নতুন জীৱন ৷ চিকিৎসক কেইজনে তেওঁলোকৰ নিজৰ খৰচেৰে যোৰহাট চিকিৎসা মহাবিদ্যালয়ৰ অধীক্ষক মানৱ জ্যোতি গোহাঁইৰ তত্বাৱধানত চিকিৎসালয়তেই পোন প্ৰথমবাৰৰ বাবে কৃত্ৰিম ভৰি নিৰ্মাণ কৰি, যুৱকজনৰ দেহত সংৰোপন কৰি নতুন জীৱন দিয়ে ৷
উল্লেখ্য যে, অভিভাৱকহীন যুৱকজনক মাৰ্চ মাহৰ পৰা আজিলৈকে চিকিৎসাৰ উপৰিও সকলো খৰচ বহন কৰি আহিছে চিকিৎসক কেইজনে ৷ যোৰহাট চিকিৎসা মহাবিদ্যালয় আৰু হাস্পতালত কৃত্ৰিম অংগ সংৰোপনৰ ব্যৱস্থা নাই যদিও অসম চৰকাৰে যদি এইক্ষেত্ৰত গুৰুত্ব প্ৰদান কৰে তেন্তে দুৰ্ঘটনাগ্ৰস্ত বা অন্য ৰোগীসকলে যথেষ্ঠ সকাহ পাব বুলি তেওঁলোকে উল্লেখ কৰে ৷
লগতে পঢ়ক :কলঙৰ পাৰত জাক জাক হাড়গিলা : দৃষ্টিনন্দন পৰিৱেশ পুৰণিগুদামত - Greater Adjutant
