গুৱাহাটী, ২১ জুন : আজি আন্তঃৰাষ্ট্ৰীয় যোগ দিৱস । দেশ তথা বিশ্বজুৰি "আত্ম আৰু সমাজৰ বাবে যোগ’’ শীৰ্ষক বিষয়বস্তু লৈ এইবাৰ আয়োজন কৰা হৈছে দশম আন্তঃৰাষ্ট্ৰীয় যোগ দিৱসৰ কাৰ্যসূচী । দেশৰ লগতে ৰাজ্যৰ তেজপুৰতো কেন্দ্ৰীয়ভাৱে পালন কৰা হয় যোগ দিৱসৰ কাৰ্যসূচী ।
আন্তঃৰাষ্ট্ৰীয় যোগ দিৱস (ETV Bharat Assam)
এইবোৰৰ মাজতে আকৌ নীলাচলৰ বুকলৈ অম্বুবাচী মেলা উপলক্ষে আগমন ঘটা দেশ-বিদেশৰ সাধু-সন্তসকলেও একলগ হৈ পুৱাৰ ভাগত অংশ লয় যোগ দিৱসৰ কাৰ্যসূচীত । পঞ্চনামা দশম জুনা আখৰাৰ উদ্যোগত প্ৰতিবছৰৰ দৰে এই বর্ষও অনুষ্ঠিত কৰা হয় যোগ দিৱসৰ কাৰ্যসূচী । এই কাৰ্যসূচীত অংশগ্ৰহণ কৰে প্ৰায় ১০০ গৰাকী সাধু-সন্তই ।
এই কাৰ্যসূচীত অংশ লৈ এগৰাকী ভক্তই কয়, ‘‘যোগ কৰিলে শৰীৰে সুস্থ থাকিব । সাধন-ভোজনৰ লগতে যোগ কৰাটো আৱশ্যক । সেয়ে আজি আমি আন্তঃৰাষ্ট্ৰীয় যোগ দিৱস উপলক্ষে ইয়াতে যোগ দিৱসৰ কাৰ্যসূচী পালন কৰিছো ।’’