স্পৰ্টছ ডেস্ক, ২ জুলাই :টি-২০ বিশ্বকাপৰ পিচত এইবাৰ এসময়ৰ তাৰকা ক্ৰিকেটাৰৰ মহাৰণ । য'ত ক্ৰিকেটপ্ৰেমীয়ে উপভোগ কৰিবলৈ পাব যুৱৰাজ সিং, সুৰেশ ৰাইনা, শ্বাহিদ আফ্ৰিদি, কেভিন পিটাৰছেন, ইউনুছ খান, ক্ৰিছ গেইলকে ধৰি ক্ৰিকেট বিশ্বৰ কেইবাগৰাকীও এসময়ৰ শীৰ্ষস্থানৰ তাৰকা ক্ৰিকেটাৰৰ বেট-বলৰ যুঁজ । কিয়নো বুধবাৰৰ পৰা আৰম্ভ হ'ব ৱৰ্ল্ড চেম্পিয়নশ্বিপ অব লেজেণ্ডছৰ প্ৰথম সংস্কৰণ । এই প্ৰতিযোগিতাখন ৩ জুলাইৰ পৰা ১৩ জুলাইলৈ ইংলেণ্ডৰ বাৰ্মিংহামৰ এজবাষ্টন ষ্টেডিয়ামত অনুষ্ঠিত হ'ব ।
ভাৰত, পাকিস্তান, অষ্ট্ৰেলিয়া, ৱেষ্ট ইণ্ডিজ, দক্ষিণ আফ্ৰিকা আৰু ইংলেণ্ড এই ছয়টা দলে প্ৰতিযোগিতাখনত অংশগ্ৰহণ কৰিব । প্ৰতিটো দলে এবাৰকৈ ইটোৱে সিটো দলৰ বিৰুদ্ধে খেলিব আৰু তাৰ পৰা শীৰ্ষ চাৰিটা দল ছেমি ফাইনেললৈ উন্নীত হ'ব । তাৰ পিচত ফাইনেলত প্ৰতিদ্বন্দ্বিতা কৰিব । ভাৰতৰ প্ৰথমখন মেচ ৩ জুলাইত ইংলেণ্ডৰ বিৰুদ্ধে অনুষ্ঠিত হ'ব । এইখন হ'ব প্ৰতিযোগিতাখনৰ প্ৰথমখন মেচ । আনহাতে, ভাৰত আৰু পাকিস্তানৰ মাজত উত্তেজনাপূৰ্ণ মেচখন ৬ জুলাইত অনুষ্ঠিত হ'ব । দলকেইটাত অংশগ্ৰহণ কৰিবলগীয়া খেলুৱৈসকল হৈছে :
ভাৰত :যুৱৰাজ সিং, হৰভজন সিং, সুৰেশ ৰাইনা, ইৰফান পাঠান, ৰবীন উথাপ্পা, অম্বাতি ৰায়ডু, ইউছুফ পাঠান, গুৰকীৰত মান, ৰাহুল শৰ্মা, নমন ওঝা, ৰাহুল শুক্লা, আৰ পি সিং, বিনয় কুমাৰ, ধৱল কুলকাৰ্ণী, অনুৰীত সিং, পৱন নেগী ।
অষ্ট্ৰেলিয়া :ব্ৰেট লী, টিম পেইন, শ্বন মাৰ্শ, বেন কাটিং, বেন ডাংক, ডিৰ্ক নানেছ, ডেন ক্ৰিষ্টিয়ান, বেন লাফলিন, এৰন ফিঞ্চ, জন হেষ্টিং, ব্ৰেড হাড্ডিন, কালাম ফাৰ্গুচন, পিটাৰ চিডল, জেভিয়াৰ ডোহাৰ্টী, নাথান কুল্টাৰ-নাইল ।
দক্ষিণ আফ্ৰিকা : জেক কালিছ, ইমৰান তাহিৰ, হাৰ্চেল গিবছ, মাখায়া এনটিনি, ডেল ষ্টেইন, এছৱেল প্ৰিন্স, নীল মেকেঞ্জি, ৰিয়ান মেকলাৰেন, জাষ্টিন অনটং, ৰোৰী ক্লেইনডফ্লেট, জে পি ডুমিনি, ৰিচাৰ্ড লেভি, ডেন বিলাস, ভাৰ্নন ফিলেণ্ডাৰ, চাৰ্ল লেংগেভেল্ট ।