স্প’ৰ্টছ ডেস্ক, 6 অক্টোবৰ: শেহতীয়াকৈ টীম ইণ্ডিয়াৰ অধিনায়ক ৰোহিত শৰ্মাই প্ৰকাশ কৰিছে টি 20 বিশ্বকাপত খিতাপ দখলৰ বাবে প্ৰস্তুত কৰা ৰণনীতিৰ বিষয়ে ৷ টি 20 বিশ্বকাপত টীম ইণ্ডিয়াৰ জয়ৰ ক্ষেত্ৰত উল্লেখযোগ্য ভূমিকা গ্ৰহণ কৰিছিল দলটোৰ অন্যতম সদস্য ঋষভ পন্তে ৷ পন্তৰ বলিং ধুমুহাত বিধ্বস্ত হৈ পৰিছিল দক্ষিণ আফ্ৰিকাৰ বেটছমেনসকল ৷
টি 20 বিশ্বকাপ জয়ত ৰোহিত শৰ্মাৰ ৰণনীতি
ৰোহিতে শেহতীয়াকৈ এটা কমেডী শ্ব’ত অংশগ্ৰহণ কৰি কয় যে, "লক্ষ্য অনুসৰণ কৰিবলৈ দক্ষিণ আফ্ৰিকাক 30 টা বলত 30 ৰাণৰ প্ৰয়োজন আছিল । লগতে তেওঁলোকৰ হাতত মজুত আছিল বহুকেইটা গুৰুত্বপূৰ্ণ উইকেট ৷ সেই সময়ত আমি সকলোৱে বিভ্ৰান্ত হৈ পৰিছিলো । কিন্তু অধিনায়কগৰাকীয়ে হতাশ হৈ দেখুওৱাতো উচিত নহয় । তাৰপিছত ক্ৰমে খেলখন লেহেমীয়া হ'বলৈ ধৰে ৷ কাৰণ বিপক্ষৰ বেটছমেনসকল ইতিমধ্যে ফৰ্মত আছে । তেওঁলোকে খেলখন একে ছন্দত সম্পূৰ্ণ কৰাৰ কথা ভাবি আছে । সেই ছন্দটো কেনেধৰে ৰোধ কৰিব পাৰি, তাকে ভাবি মই সুকীয়া ৰণনীতি প্ৰস্তুত কৰিছিলো । যাৰ বাবে বলাৰসকলৰ সৈতে কথা পাতিছিলো" ৷