বাংলাদেশ-আফগানিস্তানৰ মেচত বিধিপথালি বৰষুণৰ : ছেমি ফাইনেলৰ আশা সজীৱ কৰিব কোনে ? - T20 World Cup 2024 - T20 WORLD CUP 2024
T20 World Cup 2024: প্ৰতিকূল বতৰৰ প্ৰত্যাহ্বান নেওচি টি 20 বিশ্বকাপৰ ছেমি ফাইনেলত প্ৰৱেশৰ যুঁজত বাংলাদেশ-আফগানিস্তান ৷ দল দুটাৰ মাজত অনুষ্ঠিত হৈ আছে ছুপাৰ-৮ ৰ অন্তিমখন খেল । ছেমি ফাইনেলৰ প্ৰৱেশৰ যুঁজত কোন হ'ব সফল ? খেলৰ ফলাফলে নিৰ্ধাৰণ কৰিব চলিত বিশ্বকাপত অষ্ট্ৰেলিয়াৰ ভৱিষ্যত ।
লক্ষ্য ছেমি ফাইনেল; বাংলাদেশ আৰু আফগানিস্তানৰ সংঘৰ্ষ (ANI PHOTOS)
ইফালে, বাংলাদেশ দলটোৱেও টি-২০ বিশ্বকাপ ২০২৪ ৰ যাত্ৰা বিজয়ৰ সৈতে সামৰিব বিচাৰিব । আফগানিস্তানৰ অধিনায়ক ৰছিদ খানে কয় যে, অষ্ট্ৰেলিয়াৰ বিৰুদ্ধে জয়ে তেওঁলোকক শক্তি প্ৰদান কৰিছে ৷
খেলখনত আফগানিস্তানে প্ৰথমে বেটিং কৰি ২০ অভাৰত ৫ টা উইকেট হেৰুৱাই ১১৫ ৰাণ সংগ্ৰহ কৰিছে । আফগানিস্তানৰ হৈ গুৰবাজে সৰ্বাধিক ৪৩ ৰাণ সংগ্ৰহ কৰে । গুৰবাজৰ বাহিৰে বাকীবোৰ বেটছমেনে বিশেষ অৱদান আগবঢ়াব নোৱাৰিলে । একেদৰে ৰিছাদ হুছেইনে ৪ অভাৰত ২৬ ৰাণ দি ৩ টা উইকেট লাভ কৰিছে । একেদৰে মুস্তাফিজুৰ ৰহমান আৰু তাস্কিন আহমেদে এটাকৈ উইকেট লাভ কৰে ।
আফগানিস্তানে বান্ধি দিয়া স্ক’ৰক লৈ বাংলাদেশৰ চিন্তাৰ কাৰণ নাই । কিন্তু বতৰে বাংলাদেশৰ উদ্বেগ বঢ়াইছে । খেলখনত বতৰে বিধি-পথালি দিয়া দেখা গৈছে । বাংলাদেশে ১১৬ ৰাণ লক্ষ্য অনুসৰণ কৰিবলৈ বেটিং কৰিবলৈ ওলাই আহিছে যদিও বৰষুণে খেল স্থগিত ৰাখিবলৈ বাধ্য কৰিছে । বাংলাদেশে ৩.২ অভাৰত ৩ টা উইকেট হেৰুৱাই ৩১ ৰাণ সংগ্ৰহ কৰিছে । ইফালে বৰষুণ বন্ধ হোৱাৰ লগে লগে বাংলাদেশ-আফগানিস্তানৰ মাজৰ খেলখন পুনৰ আৰম্ভ হৈছে ।
লক্ষণীয়ভাৱে বাংলাদেশে যদি ১২ অভাৰ বা তাৰ পূৰ্বে টাৰ্গেট সম্পূৰ্ণ কৰি খেলখনত জয়ী হয়, তেনেহ'লে ছেমি ফাইনেলত দলটোৱে প্ৰৱেশ কৰাৰ সম্ভাৱনা আছে । আফগানিস্তানৰ এই বিজয়ে অষ্ট্ৰেলিয়াক নিৰাশ কৰিব ।
