স্প’ৰ্টছ ডেস্ক, 18 অক্টোবৰ: আই চি চি মহিলা টি 20 বিশ্বকাপত অঘটন ৷ বৃহস্পতিবাৰে অনুষ্ঠিত প্ৰতিযোগিতাখনৰ প্ৰথমখন ছেমি ফাইনেলত দক্ষিণ আফ্ৰিকাৰ হাতত পৰাস্ত হৈছে শক্তিশালী দল হিচাপে গণ্য কৰা অষ্ট্ৰেলিয়া ৷ এই ৰোমাঞ্চকৰ মেচখনত 8 উইকেটৰ বিনিময়ত জয়লাভ কৰি ফাইনেলত প্ৰৱেশ কৰে দক্ষিণ আফ্ৰিকাই ৷
উল্লেখ্য যে, মহিলা টি 20 বিশ্বকাপত প্ৰথমবাৰৰ বাবে বিপক্ষৰ হাতত পৰাজিত হয় কেংগাৰু বাহিনী ৷ বিগত 15 বছৰৰ তুলনাত অষ্ট্ৰেলিয়াই প্ৰথমবাৰৰ বাবে মহিলা টি 20 বিশ্বকাপৰ ফাইনেলত অংশগ্ৰহণৰ পৰা বঞ্চিত হয় ৷ এইবেলি প্ৰতিযোগিতাৰ লীগ পৰ্যায়ত ভাৰতক পৰাস্ত কৰি ছেমি ফাইনেলত প্ৰৱেশ কৰিছিল কেংগাৰু বাহিনীয়ে ৷
দেওবাৰে অনুষ্ঠিত হ’ব ফাইনেল
আই চি চি মহিলা টি 20 বিশ্বকাপৰ দ্বিতীয়খন ছেমি ফাইনেল শুকুৰবাৰে নিউজিলেণ্ড আৰু ৱেষ্ট ইণ্ডিজৰ মাজত অনুষ্ঠিত হ'ব । এই মেচখনৰ বিজয়ী দলটোৱে ফাইনেলত মুখামুখি হ’ব দক্ষিণ আফ্ৰিকাৰ ৷ প্ৰতিযোগিতাখনৰ ফাইনেল মেচখন দেওবাৰে অৰ্থাৎ 20 আগষ্টত ডুবাইত অনুষ্ঠিত হ'ব ।
6 বাৰৰ বিশ্ব চেম্পিয়ন অষ্ট্ৰেলিয়া দ্বিতীয়বাৰৰ বাবে বাহিৰ
2009 চনৰ পিছত মহিলা টি 20 বিশ্বকাপত এয়া প্ৰথমবাৰৰ বাবে সংঘটিত হৈছে ৷ 2009 ৰ পৰা 2023 চনলৈ চাৰিটাকৈ দলে অৰ্জন কৰিছিল মহিলা টি 20 বিশ্বকাপৰ খিতাপ ৷ য’ত অষ্ট্ৰেলিয়াই ছয়বাৰকৈ খিতাপ দখল কৰে ৷