স্পৰ্টছ ডেস্ক, ২৭ জুলাই :এক আড়ম্বৰপূৰ্ণ অনুষ্ঠানেৰে শুকুৰবাৰে শুভাৰম্ভণি ঘটিল বিশ্ব ক্ৰীড়া মহাৰণ পেৰিছ অলিম্পিকৰ । ২০৬ খন দেশ আৰু সংগঠনৰ ১০,৫০০ ৰো অধিক খেলুৱৈয়ে এই অনুষ্ঠানত অংশগ্ৰহণ কৰে । আনহাতে, এই অনুষ্ঠান উপভোগ কৰিবলৈ ৩ লাখৰো অধিক দৰ্শকে ছেইন নদীৰ পাৰত উপস্থিত থাকে ।
একে সময়তে, লাখ লাখ অনুৰাগীয়ে তেওঁলোকৰ ঘৰৰ বাৰান্দাৰ পৰা এই আকৰ্ষণীয় অনুষ্ঠানটো প্ৰত্যক্ষ কৰে । অৱশ্যে বৰষুণে অনুষ্ঠানটো ব্যাহত কৰিলেও কিন্তু ই লাখ লাখ অনুৰাগী আৰু খেলুৱৈৰ অনুপ্ৰেৰণাক ম্লান কৰিব পৰা নাছিল ।
মহা আড়ম্বৰেৰে আৰম্ভ অলিম্পিক, ২০২৪
ফ্ৰান্সৰ ৰাষ্ট্ৰপতি ইমানুৱেল মেক্ৰন আৰু আই অ' চিৰ সভাপতি থমাছ বাখক পেৰিছৰ ছেইন নদীৰ পাৰত অলিম্পিক, ২০২৪-ৰ উদ্বোধনী অনুষ্ঠানৰ ঠিক পূৰ্বে ট্ৰোকাডেৰোত পৰিচয় কৰাই দিয়া হয় । তাৰ পিচত চেইন নদীৰ ওপৰেৰে এক চমৎকাৰ আতচবাজী প্ৰদৰ্শন আৰু দুয়োপাৰত থিয় হৈ থকা ৩ লাখ দৰ্শকৰ হৰ্ষোল্লাসৰ মাজেৰে অলিম্পিক শিখা অনা হয় । ইয়াৰ পিচত পুনৰ এক আকৰ্ষণীয় আতচবাজীৰ পিচত ধোঁৱাৰে আৱৰি থকা ফৰাচী পতাকাখন এক আকৰ্ষণীয় দৃশ্যলৈ পৰিৱৰ্তিত হয় ।
| লগতে পঢ়ক :পেৰিছ অলিম্পিক : ২৭ জুলাইৰ সম্পূৰ্ণ সূচী, জানক ভাৰতীয় খেলুৱৈৰ ইভেণ্ট আৰু সময় - Paris Olympic 2024 |
পেৰেডত প্ৰথমে আহে গ্ৰীচৰ দল
অলিম্পিকৰ জন্মস্থান বুলি কোৱা দেশ গ্ৰীচৰ দলটোক প্ৰথমে খেলুৱৈসকলৰ সৈতে নাৱত উঠি পেৰেড কৰা প্ৰত্যক্ষ কৰা হয় । খেলুৱৈসকলে হাত জোকাৰি অনুৰাগীসকলৰ শুভেচ্ছা গ্ৰহণ কৰে । ছেইন নদীৰ দুয়োফালে থকা লাখ লাখ অনুৰাগীয়ে তেওঁলোকক আদৰণি জনায় ।
ভাৰতীয় দলটোক বিশাল আদৰণি
পেৰেডত ভাৰতৰ দলটো আছিল ৮৪ নম্বৰ স্থানত । ইয়াত ১২ টা ক্ৰীড়া বিভাগৰ ৭৮ গৰাকী খেলুৱৈ আৰু বিষয়াই অংশগ্ৰহণ কৰে । বৰষুণৰ মাজতে ভাৰত উপস্থিত হোৱাৰ লগে লগে লাখ লাখ অনুৰাগীয়ে দলটোক আন্তৰিক আদৰণি জনায় । ভাৰতীয় খেলুৱৈসকলে হাত জোকাৰি পেৰিছত উপস্থিত লাখ লাখ অনুৰাগীৰ লগতে টিভিত পোনপটীয়াকৈ চাই থকা ১৪০ কোটি ভাৰতীয়ৰ পৰা তেওঁলোকে শুভেচ্ছা গ্ৰহণ কৰে । ভাৰতৰ ত্ৰিৰংগ সকলো ভাৰতীয় খেলুৱৈৰ হাতত গৌৰৱেৰে উজলি আছিল ।