স্পৰ্টছ ডেস্ক, 3 আগষ্ট : অলিম্পিক গেমছ ভিলেজৰ অসহ্য গৰমৰ পৰা হাত সাৰিবলৈ এটা পৰ্টেবল এ চিৰ প্ৰয়োজন ৷ অৱশ্যে এয়া প্ৰয়োজন কেৱল ভাৰতীয় খেলুৱৈৰ শিবিৰত৷ ক্ৰীড়া মন্ত্ৰালয়ে সকলো ব্যৱস্থা কৰিছে ৷ বৰ্তমান ফ্ৰান্সৰ পেৰিছত অলিম্পিক চলি আছে ৷ পেৰিছত গৰমৰ প্ৰকোপ অব্যাহত আছে ৷ গৰম ইমানেই অসহ্যকৰ যে খেলুৱৈসকল জুৰুলা হৈ পৰিছে ৷ যদি গৰমক এৰাই চলা নহয় তেন্তে অলিম্পিকৰ দৰে ইভেণ্টত খেলুৱৈসকলৰ বাবে প’ডিয়ামত উপনীত হোৱাটো ইমান সহজ নহ’ব ৷
ক্ৰীড়া মন্ত্ৰালয়ে পেৰিছত প্ৰদান কৰে 40 টা এ চি :
ক্ৰীড়া মন্ত্ৰালয়ৰ তথ্য অনুসৰি পেৰিছত হঠাৎ উষ্ণতা বৃদ্ধিৰ বাবে অলিম্পিক গেমছ ভিলেজত খেলুৱৈসকলে সন্মুখীন হোৱা সমস্যাৰ কথা মনত ৰাখি শুকুৰবাৰে পুৱা (11 বজাত) ক্ৰীড়া মন্ত্ৰালয়, এছ এ আই, আই অ’ এ আৰু ফ্ৰান্সৰ ভাৰতীয় দূতাবাসৰ মাজত এখন সমন্বয় বৈঠক অনুষ্ঠিত হয় ৷
এই বৈঠকত সিদ্ধান্ত লোৱা হয় যে ফ্ৰান্সত থকা ভাৰতীয় দূতাবাসে পেৰিছত 40 টা এ চি ক্ৰয় কৰি ভাৰতীয় খেলুৱৈসকলে থকা গেম ভিলেজৰ কোঠাত উপলব্ধ কৰিব ৷ এই সিদ্ধান্তৰ ফলস্বৰূপে ফ্ৰান্সত থকা ভাৰতীয় দূতাবাসে ইতিমধ্যে এ চি ক্ৰয় কৰিছে, যিবোৰ গেমছ ভিলেজলৈ পঠোৱাৰ ব্যৱস্থা কৰা হৈছে ৷
লগতে পঢ়ক :হেট্ৰিক অৰ্জনত ব্যৰ্থ মনু ভাকৰ: মহিলাৰ ২৫ মিটাৰ পিষ্টল ইভেণ্টত চতুৰ্থ স্থান - Paris Olympics 2024