কিন্তু সীমিত অ'ভাৰৰ ক্ৰিকেটৰ বৰ্ধিত জনপ্ৰিয়তাৰ বিপৰীতে টেষ্টৰ জনপ্ৰিয়তা যথেষ্ট হ্ৰাস পাবলৈ লৈছিল । যাৰ ফলত আন্তৰ্জাতিক ক্ৰিকেট পৰিষদে (আই চি চি) ক্ৰিকেটৰ এই দীৰ্ঘতম ফৰ্মেটটোক পুনৰ জনপ্ৰিয় কৰিবলৈ বিশ্ব টেষ্ট চেম্পিয়নশ্বিপ (ডব্লিউ টি চি) প্ৰৱৰ্তন কৰে ।
অষ্ট্ৰেলিয়া বনাম ৱেষ্ট ইণ্ডিজ, ১৯৬০ (AFP)
সাধাৰণতে এখন টেষ্ট মেচ পাঁচদিনীয়া হয় । সেয়েহে যিকোনো টেষ্ট মেচৰ তিনিটা ফলাফল অৱধাৰিত । হয় এটা দলে মেচখন জিকিব আৰু এটা দলে পৰাজয়ৰ সন্মুখীন হ'ব বা মেচখন ড্ৰ হ'ব । এই তিনিটা ফলাফল অবিহনে টেষ্ট মেচত চতুৰ্থ ফলাফল পোৱাটো অসম্ভৱ বুলি গণ্য কৰা হৈছিল ।
কিন্তু টেষ্ট ক্ৰিকেটৰ ১৪৮ বছৰীয়া ইতিহাসত চতুৰ্থ ফলাফলটো মাত্ৰ দুখন মেচতহে দেখা গৈছিল, সেয়া হৈছে টাইৰ ৰূপত । যিটো এক বিৰল উদাহৰণ । ক্ৰিকেটত দুয়োটা দলৰ ৰাণ সংখ্যা সমান হ'লে মেচখন টাই বা সমান সমানত সমাপ্ত হয় । ১৯৬০ চনৰ ৯ ডিচেম্বৰত অষ্ট্ৰেলিয়া বনাম ৱেষ্ট ইণ্ডিজ আৰু ১৯৮৬ চনৰ ১৮ ছেপ্টেম্বৰত ভাৰত বনাম অষ্ট্ৰেলিয়াৰ মেচ দুখনত এনে এক অনন্য ফলাফল আহিছিল ।
