ৰিলায়েন্স ফাউণ্ডেশ্যন ইয়ং চেম্পছৰ ফুটবল প্ৰশিক্ষণৰ বাবে নিৰ্বাচিত নিবিড় শইকীয়া - footballer Nibir Saikia

Nibir Saikia selected for football training : ৰিলায়েন্স ফাউণ্ডেশ্যন ইয়ং চেম্পছৰ 13 বছৰৰ অনুৰ্ধৰ ফুটবল প্ৰশিক্ষণৰ বাবে নিৰ্বাচিত হৈছে নিবিড় শইকীয়া ৷ নিবিড়ৰ ফুটবল প্ৰশিক্ষণৰ লগতে পঢ়া-শুনাৰ সম্পূৰ্ণ দায়িত্ব ৰিলায়েন্স ফাউণ্ডেশ্যন ইয়ং চেম্পছে গ্ৰহণ কৰিব ।

আমগুৰি, ১৪ মে’ :শিৱসাগৰ জিলাৰ নামতি মিছাজান নামদঙীয়া গাঁৱৰ এগৰাকী অষ্টম শ্ৰেণীৰ ছাত্ৰৰ সফলতা । ৰিলায়েন্স ফাউণ্ডেশ্যন ইয়ং চেম্পছৰ 13 বছৰৰ অনুৰ্ধৰ ফুটবল প্ৰশিক্ষণৰ বাবে নিৰ্বাচিত হৈছে নিবিড় শইকীয়া নামৰ কিশোৰগৰাকী । জানিব পৰা মতে অসমৰ আঠ জনীয়া এটা দল গৈছিল প্ৰশিক্ষণৰ বাবে মুম্বাইলৈ গৈছিল ৷ এই আঠ জনীয়া দলটিৰ পৰা নিৰ্বাচিত হয় নিবিড় ৷

নামতি মিছাজান নামদঙীয়া গাঁৱৰ অচ্যুত শ‌ইকীয়া আৰু মাতৃ লক্ষীমণি শ‌ইকীয়াৰ কনিষ্ঠ পুত্ৰ নিবিড় শ‌ইকীয়া । ৰিলায়েন্স ফাউণ্ডেশ্যন ইয়ং চেম্পছে 6 বছৰৰ বাবে নিবিৰক চুক্তিবদ্ধ কৰিছে ৷ নিবিড়ৰ ফুটবল প্ৰশিক্ষণৰ লগতে পঢ়া-শুনাৰ সম্পূৰ্ণ দায়িত্ব ৰিলায়েন্স ফাউণ্ডেশ্যন ইয়ং চেম্পছে গ্ৰহণ কৰিব । এই 6 বছৰীয়া প্ৰশিক্ষণৰ বাবে আহা 13 জুনত নিবিড় ৰাওনা হ’ব মুম্বাইলৈ ৷

ইয়াৰ পিচতে, নিবিড় শ‌ইকীয়াৰ এই সফলতাত উৎফুল্লিত হৈ পৰিছে নামতি অঞ্চলবাসীৰ লগতে সমগ্ৰ শিৱসাগৰবাসী । নিবিড় শ‌ইকীয়াৰ এই সফলতাৰ বাবে উৎসাহ জনাবৰ বাবে মঙলবাৰে সদৌ অসম ছাত্ৰ সন্থাৰ বিষয়ববীয়াৰ লগতে, সদৌ অসম মহিলা সন্থাৰ বিষয়ববীয়া উপস্থিত হয় কিশোৰটোৰ বাসগৃহত ।

সদৌ অসম ছাত্ৰ সন্থাৰ কেন্দ্ৰীয় সমিতিৰ কাৰ্যনিৰ্বাহক সদস্য ধ্ৰুৱজ্যোতি কলিতা, শিৱসাগৰ জিলা ছাত্ৰ সন্থাৰ সাংগঠনিক সম্পাদক পাৰ্থ প্ৰতীম দত্ত , নামতি আঞ্চলিক ছাত্ৰ সন্থাৰ সম্পাদক অৰিন্দম কলিতা আৰু সদৌ অসম মহিলা সন্থাৰ কেন্দ্ৰীয় সম্পাদিকা ইন্দ্ৰানী ৰাজকুমাৰী উপস্থিত হয় ছাত্ৰজনৰ বাসগৃহত ৷ আটাইকেইগৰাকী বিষয়ববীয়াই কিশোৰগৰাকীক আশীৰ্বাদ দিয়াৰ লগতে উৎসাহ প্ৰদান কৰে । নিবিড়ৰ এই সফলতাত উৎফুল্লিত হৈ পৰিছে পিতৃ ৷

লগতে পঢ়ক:চি বি এছ চিৰ দশম শ্ৰেণীৰ ফলাফলত উজলিল টুইংকল বৰগোঁহাই আৰু পূৰ্বাশ্ৰী বৰমুদৈ - CBSE 10th Result 2024