দক্ষিণ আফ্ৰিকাক ক্লিন ছুইপ ভাৰতীয় মহিলা ক্ৰিকেট দলৰ: অন্তিমখন এদিনীয়াত ৬ উইকেটত জয় ভাৰতৰ - INDW vs SAW

INDW vs SAW ODI Series : ভাৰতীয় মহিলা দলে তিনিখনীয়া মেচৰ দ্বিপাক্ষিক শৃংখলাত দক্ষিণ আফ্ৰিকাৰ বিৰুদ্ধে আধিপত্য স্থাপন কৰি আটাইকেইখন এদিনীয়াত জয়লাভ কৰে । দেওবাৰে হৰমনপ্ৰীত কৌৰৰ নেতৃত্বত দলটোৱে বিপক্ষক ছয় উইকেটত পৰাস্ত কৰি বেংগালুৰুৰ এম চিন্নাস্বামী ষ্টেডিয়ামত ক্লিন চুইপ পঞ্জীয়ন কৰে ।

স্পৰ্টছ ডেস্ক, 23 জুন : দেওবাৰে দক্ষিণ আফ্ৰিকাৰ মহিলা দলক 6 উইকেটত পৰাস্ত কৰি ভাৰতীয় মহিলা দলে তিনিখনীয়া মেচৰ এদিনীয়া শৃংখলাটো 3-0ৰ ব্যৱধানত দখল কৰে ৷ স্মৃতি মন্ধানাৰ দুৰ্দান্ত 90 ৰাণৰ ইনিংছ আৰু দলৰ বলিং ইউনিটৰ সামূহিক প্ৰচেষ্টাৰ বাবেই দক্ষিণ আফ্ৰিকাক হোৱাইটৱাছ কৰিবলৈ সক্ষম হয় ভাৰতীয় দল ৷

ভাৰতৰ অপেনাৰ মন্ধানাই আৰম্ভণিৰ পৰাই 216 ৰাণৰ লক্ষ্য সহজ কৰি তুলিছিল ৷ তেওঁ প্ৰথমে শ্বেফালী বাৰ্মাৰ (25) সৈতে 61 ৰাণৰ আৰম্ভণিৰ অংশীদাৰীত্ব তৈয়াৰ কৰিছিল ৷ ইয়াৰ পিচতে শ্বেফালী বাৰ্মা পেভিলিয়নলৈ উভতি গৈছিল ৷ ইয়াৰ পিচত আয়াবঙা খাকাই এম চিন্নাস্বামী ষ্টেডিয়ামত উইকেট লাভ কৰাৰ পূৰ্বে ৱান-ডাউন প্ৰিয়া পুনিয়াই 28 ৰাণৰ অৱদান আগবঢ়ায় ৷

ইয়াৰ পিচতে অধিনায়ক হৰমনপ্ৰীতে এটা মূৰৰ পৰা কিছু উজ্জ্বল ষ্ট্ৰ’ক মাৰি থকা স্মৃতিৰ সৈতে যোগদান কৰে ৷ স্মৃতিয়ে মাত্ৰ 10 ৰাণৰ বাবে শতক বঞ্চিত হয় ৷ এই শতক অৰ্জন কৰিবলৈ সক্ষম হোৱাহেতেন তেওঁ কিংবদন্তি মিতালী ৰাজক অতিক্ৰম কৰি এদিনীয়াত সৰ্বাধিক শতক অৰ্জন কৰা বেটছমেন (মহিলা) হিচাপে পৰিগণিত হ’লহেঁতেন ৷

হৰমনপ্ৰীত (42) আৰু জেমিমা ৰড্ৰিগজে (19 নট আউট) ভাৰতক এক দৃঢ় অংশীদাৰিত্বৰ সৈতে জয়ৰ পথলৈ লৈ যায় ৷ ৰিচা ঘোষে লং অনত এটা ছয়ৰ সৈতে খেলখন ষ্টাইলত সমাপ্ত কৰিছিল আৰু 40.4 অভাৰত ভাৰতীয় দল বিজয় লক্ষ্যত উপনীত হয় ৷

লগতে পঢ়ক :ভাৰত বনাম বাংলাদেশ : ৫০ ৰাণৰ ব্যৱধানত ভাৰতৰ হাতত পৰাস্ত বাংলাদেশ - T20 WORLD CUP

মেচখনত প্ৰথমে দক্ষিণ আফ্ৰিকাই বেটিং কৰাৰ সিদ্ধান্ত লয় আৰু তেওঁলোকে আৰম্ভণিৰ উইকেটত 102 ৰাণ সংগ্ৰহ কৰে ৷ লৌৰা ৱলভাৰ্ডট 61 ৰাণত আউট হয় আৰু তাৰ পিচত দলটোৰ ইনিংছত খহনীয়াৰ সৃষ্টি হয় ৷ তাজমিন ব্ৰিটছে দলটোৰ বাবে 38 ৰাণ সংগ্ৰহ কৰিবলৈ সক্ষম হৈছিল কিন্তু তেওঁ এই ইনিংছ দলটোৰ বাবে এটা প্ৰত্যাহ্বানমূলক মুঠ স্ক’ৰ সংগ্ৰহ কৰাত সহায় কৰিবলৈ পৰ্যাপ্ত নাছিল ৷

অৰুন্ধতী ৰেড্ডী আৰু দীপ্তি শৰ্মাই দুটাকৈ উইকেট দখল কৰি বিপক্ষক 215/8 ত সীমাবদ্ধ ৰাখে ৷ শ্ৰেয়াঙ্কা পাটিল আৰু পূজা বস্ত্ৰকাৰে এটাকৈ উইকেট দখল কৰে আৰু দলটোক বিপক্ষৰ বিৰুদ্ধে ক্লিন চুইপ অৰ্জন কৰাত সহায় কৰে ৷ দিপ্তী শৰ্মা প্লেয়াৰ অৱ দ্য মেচ আৰু স্মৃতি মন্ধানা প্লেয়াৰ অৱ দ্য চিৰিজ বিবেচিত হয় ৷ ইয়াৰ পিচতে দুয়োটা দলৰ মাজত চেন্নাইত একমাত্ৰ টেষ্ট আৰু তিনিখনীয়া মেচৰ T-২০ শৃংখলা আইকনিক এম এ চিদাম্বৰম ষ্টেডিয়ামত অনুষ্ঠিত হ'ব ৷

লগতে পঢ়ক :T-২০ বিশ্বকাপ : ৰোমাঞ্চকৰ হৈ পৰিল ছেমি ফাইনেলৰ গণিত - T20 WORLD CUP 2024